يالمغرور... على كيفك علينه ماطلبنه هواي..
منك مكتفي بنظره..
وجيف اني فقير اسوالفي تاذيك..
هوه الله يحب سوالف الفقره..
صح انته حلو.. بس مو ملاك!!.. انسان
ولو عن حلفت الله.. البينكم شعره..
ولا انت ورد.. وتشيل خشمك هيج
شبيك من الورد؟؟!.. بس رقته وعطره..
ولاذاك الحلاتك.. منها ماموجود اشو موجود..
شعرك ليل جنه و وجنتك كمره.. الصدك..
كلك حلو.. وغرورك محليك..
يمن فدوه اروح االروحك الخضره..
يمته تحن عليه.. يالكلبي ذايب بيك
وحر حظني الجمر مايوصل الحره..
شلك بالرجيج.. اليستحي من يبوس
كون تطيح بيدي شفافك الحمره..
لو يهديك الله وليله تبقه وياي
بيه سوالف المامارت ابليس من صغره..
وشبعك من حناني.. وارجع اشبع بيك
ونتحاضن محاضن..خيط وي ابره
وخدرلك..
واخدرك..
خل تولي النار
المهيل ابحضني.. جفوفي الاتخدره..
ونسويها ليله يركصلها ابليس
ونخليها تضل للهل العشك عبره
الشاعر
ضياء الرسام
رد مع اقتباس
