حسبت نجوم ليلي بانتظارك
ذبحت عيوني يم عتبة نهارك
دمع ينزل فراشات
رسايل شوگ ترفات
عيوني تيتمت بيك
و شيصبر اليتيمات
يا شوگ و ساكن الروح
يرسمك چف الجروح
على خدود اليحبون
گلب بالفرگة مذبوح
تذوب الروح شمعة بباب دارك
.....................................
بچيت بحرگتي گد ما تمنيت
و احس وياي يبچي كل شي بالبيت
الملابس و الكتب هاي
الاقلام تحولت ناي
العطر حتى الأخليه
أحس بيه يبچي وياي
تفاصيلي و حياتي
صرت كل امنياتي
عجزت كل السنين
يمحن ذكرياتي
شكثر محتاج جيتك هسه يا ريت
.....................................
عيون الگلب محتارة و تتاني
خذت ليش الأحبهم يا زماني
ألحن دمع العيون
بحساس اليحبون
بصوتي مو بالدموع
أبچي على اليروحون
إجيت أشكيلك الحال
يا مهدينه البعد الطال
خضر شيب بالروح
و ليل الفرگة كتال
و غابت شمعتي بليل الأماني
رد مع اقتباس
المشاركة الأصلية كتبت بواسطة ★ نِجمـٌــٍة شتـٍـٌــاء ★
