( #قصه_حقيقية)،،،
ينقلها احد الاصدقاء يقول
...
يوم من الأيام واگف بشارع حيفا أريد تكسي إجه ابو سايبه،،،
السلام عليكم عمي تروح للكرادة؟ أي عمي اروح
الرجل يصنفن.....! ع بالي مريض او بي شي......!
على العموم ضل يسوق صار نقاش كتله عمي متزوج؟ كال..لا ......!
كتله شنو تشاقه لو صدك ....!
كال لا والله عمي اني احب وحده 20 سنه...........
وما صارت القسمه !!
كتله عمي شكد عمرك ؟ كال مواليد 1966
كتله زين عمي بصراحه بعدك تحبها؟
والله مو قصدي اشو الرجال سكت ......!!
باوعت على الرجال اشو ضل ييجي خطيه ......!
دموعه نزلت بسكته....!
كتله شبيك عمي خير ؟
كال وحق العباس أبو فاضل احبها .......!
(((((ويبجي))))........!!
كتله عمي هي بعدها منتظرتك ؟ كال لا ازوجت
كتله وين تزوجت بغداد؟
كال لا بالمحافظات الجنوبيه......! كتله هي تحبك؟
كال بلي تحبني وقسمت الي بالعباس ماتعوفني ولا تزوج غيري........!
كتله زين وهسه ضل يبجي كال والله من اتمرض تحس بيه وتخابرني
كتله شلون عرفتها كال اجرتني هي وأمه ........
صفن ...........كال اني اكدر اخليها تعوف زوجها ....
كال بس
حرام خطيه .....تالي طلعلي ورد
كتله شنو هاي عمي ؟كال منها دزته الي ويا اقاربها ....! طبعا لازالت تخابرة بس ما يرد عليها يكول ما اكدر أضل بس ابجي .......!!
....
كتله شنو رايك بالحب هاي الايام ؟؟
كال اكو حب بس قليل الوفه
المهم بعدين وصلنا وما قبل يأخذ كروة بعدين قنعته واخذها ،،،،
.................
#الله لأ يفرق كل اثنين بحق الحسين واهديكم هاي القصيدة عالموضوع
....
#وين الله ويطلگـــــــــــــــونج
#طلاگ التنغصب مريود مامش بي حرام وعيب
#يبنت الناس مغصوبه وخذاچ الشيب وين الله ويطلگونج
#شنو ذنب الجنيته وللغرب صرتي
#وشنو ذنب الجنيته وخربو زفتي
#وشنو امه تجي الامي وتسولف بي
#يسوه الدنيا كلهه ياوجه چنتي
#الچ بيه كلام هواي آنه انسان مو حاقد
#البطنچ حرام يعيش اذا يلگاني مو والد
#انهدم حيلي لمن گلتيلي مد ايدي وسطر خدي
#ماعرفوني من طبيت اختي اتباوع المگفاي صاحت ياهلا بجدي
#ضوه عيوني احسه ابعدچ مشيب
#وراس السالفه من ايفوت يم شماتنه محدب
#اصبريلي ولوگد نظرة العميان
#واحققلچ حلم فحطان
#وابنيلچ بروحي انسان
#وافزعلچ عراضة شاب عند معدان
#انا امتانيچ واتأمل اترجعيلي
#خلف الله على ظلي هواي من امشي يتچيلي
#وحگچ من اشوف اثنين مخطوبين اتحسر
#ولو يم المحاكم جيت اضلن بالهوى اتعثر
#مو اهلچ انا بتربيتچ المتعوب
#ييوسف وآنه الچ يعقوب
#انا الشايل بروحي ذنوب
#انا ملبس صفنتچ ثوب
#اجيت اوالدچ ماراد گال عليه مايهوى
#المايملك غناوة مال هذا انسان مايسوه
#وحط شروط صعبه هواي بس وفيت وأنه ابچي
#حچيلي الاخرس گال گتله وداعتك يحچي
#كل هذا وخذاچ الماله واهس بيچ بس راداچ للكشخه
#مو مثلي اظمن زلفچ بروحي اخاف من الهوى يطخه
#هو منيله ويعرف حظرتچ ياس
#مايدري الهوى يكشخ زفيرچ لو غبش للناس
#وهو منيله ويعرف
#دخول ولاية الوردات كومه احساس.
رد مع اقتباس
المشاركة الأصلية كتبت بواسطة جنة الروح
