هنا

[★ نـجـمــــة شـتـــــاء ★]

✎ˇ﹏ˇ"مجموعة اشعار شعبيه عراقيه حزينه على الناس والحياة والانسان"ˇ﹏ˇ✎
_______________________________________

بيه شوغه واحد #اخرس
سدوو الباب اعله # صبعه
وبيه خنكَه واحد #اعمى
اعله الشمس غنوله # ربعه
وبيه حسره جامع الله ..
اذن وماشاف واحد بالجذب صلاله #ركعه ....
*************************************
مــــــــــا ميت كَبل بس شايل التابوت
لأن كل مــــــــــــا أنام أتحلم بنعشي
أنــــه مبــلل رموشـــي بدمعة المحتاز
أنه دموع الفرح مـــــــا وصلت لرمشي
وكَت الخير عشته ومــا شفت بي خير
صاحولي ملك بس مـــا شفت عرشي
عندي عيون بس محسوب ع العميان
أنه مفتح ولكن مــــــــا شفت كلشي
أحــلم بالفــرج وأترس الظلـــمه حجار
ظل هواي ليش نكَول مــــــا ظل شي
*************************************
انا جروحي محطه وناس تدفع ناس
ركب بيه الحزن والنوح والدمعه
وجرى بروحي الحزن مجرى النهر لو فاض
وغرق ناعور حزني وما نشف نبعه
انقفل باب الفرح واسئلت عالمفتاح
اضنه ببير يوسف وياهو الي يطلعه
صبح خشبه الكَلب يتونس عالنار
حرك هندام روحي وياهو الي يصلحه
*************************************
مدري شبيه شو #مهموووم ؟؟
هوسه ابالي #ماتصفه ...
ومدري شلون #راح_الحيل
#انفخ_شمعه_ماتطفه
*************************************
مخنوكَ احس روحي بكَبر
مو كافي مليت الصبر

خلصت باحزاني وكَت
لو اعده اظن يطلع عمر

استغفر الله بس احس
واصل لمرحلة الكفر

ياحالتي صعبه وجذب
للموت ماظن تستقر

بعيوني مامر الفرح
بس الدمع دايم يمر

شفت العجايب من زمن
راواني لوعات اشكثر

بوجهي ما مره ضحك
موتني بعيونه الحمر

وصاحب وفي لا معرفت
استثني من هاي الصبر

التمشيله انته بكل وكت
بلشده مايمشي شبر

التكَله ابكلشي نعم
من تريده لازم يعتذر

وعلحب تسئلوني اشفت؟؟؟
هوه اشفت غير الهجر

وشكَد ناس تنطيهم وفه
يرجعولك بكَده غدر

التذكرهم انته ويه النفس
بلسانهم ماتنذكر

هلدنيه راوتنه العجب
من عدها بعد شننتظر

لتصير بيها حسين ابد
لن كلها تلكَاها الشمر
*************************************
ما مجروح بس ندمان
عمر خلصته وي عميان
مو عميان قلة شوف
لا صاحين ويشوفون كلش زين
وادم عافت الله وعشگت الشيطان
*************************************
بالضحكه الـوذ من اختنـگ..
ما عندي واهس #للبچــي
جن شمعه بسكوت احترگ
ما لايگ وياي #الحچــي
هيج انه من اوگع جبل
ما ترهم اصلاً #انتچــي
***************************
يمته. #‏اختفي
وشموع عمري. #‏تنطفي ..
وتغمض عيوني #‏الماغفت ..
وتنتهي جروحي #‏الماشفت .
وينساني بذات. #‏الوكت ..
ويجوز يذكرني #‏الوفي .
يمته #اختفي
*************************************
امنيتي اشوف الناس تضحك
بس مصيبه ياهو يضحك
همه زايد
حيله بايد
تعبه زايد
كلشي زايد
خاطر العيشه مذله
وصعبه للعايش وحيد
يا وحيد الدنيا كلها
تاخذ و ما تنطي اي شي
حتى من عمرك تريد
مرت ايامي بعجل
ما شفت غير الزعل
حالي ادور بسمه يم شفه فقير
حالي ادور بسمه يم شفه يتيم
هذا حالي وهذا كل الصار بينا
بس نكَول الله كريم
*************************************
اخاف من المخده بساعة الليل
احط راسي عليهه او تبدي الهموم
حسباتي ثكَيله او تهدم الحيل
او بعد ياعين عندي تطاوع النوم
بجفوني دمع مايقبل يسيل
ولحسبات تكَعد بيه وتكَوم
انه اتطشرت بس محد يشيل
ياهو الي يلمني ايحطني بهدوم
انه بختك يكَلبي او عندك ادخيل
اهي مزنه مطر ماضنتي اتدوم
حب الغيوم متانيه السيل
واذ تطلك مطر شتذب الغيوم
*************************************
حاسدني اعله حزني تريد شركه وياي
وعــــندك مــــزدحم جيش الفرح عركه
تـــنزيلات ابـــيعك اي حـــزن شــــتريد
وســددني اعله كيفك كل شهر ضحكه
*************************************
نحجي هواي #‏عالدنيا
ونخلي الغلط بيهه
بس هو الغلط #‏بالناس
هي الدنيا شعليهه
*************************************
هي ضاكَت بينه #حيل
دنية #صارت جن جحيم
شما تضيكَ نكَول #تفرج
ونصبر ب #الله كريم
بيه اخر #طعنة ظلت
مني حتى روحي #ملت
جروحي #للشمات وصلت
#وشامتي كلش رجيم
وشما عظم #جرحي وكبر
عندي رب اسمه #العظيم
*************************************
حيل وياي......
ناس هواي.....
#اشوفهم
ورد.....واندار
#والكَاهم٠٠٠٠
مناجل تحصد بروحي
*************************************
انا جروحي محطه وناس تدفع ناس
ركب بيه الحزن والنوح والدمعه
وجرى بروحي الحزن مجرى النهر لو فاض
وغرق ناعور حزني وما نشف نبعه
انقفل باب الفرح واسئلت عالمفتاح
اضنه بــ بير يوسف وياهو الي يطلعه
صبح خشبه الكَلب يتونس عالنار
حركَ هندام روحي وياهو الي يصلحه

[ذكريات ٢]

أنــــه مبــلل رموشـــي بدمعة المحتاز
أنه دموع الفرح مـــــــا وصلت لرمشي
وكَت الخير عشته ومــا شفت بي خير
صاحولي ملك بس مـــا شفت عرشي

روعاتك غاليتي

[حسن هاشم]

الله الله

[§§زهرة البصره§§]

رؤؤؤعات

[روجـيـنـا ♡]

أّلَلَهِ أّلَلَهِ
أّبِدِعٌتّيِّ غٌلَأّ

[★ نـجـمــــة شـتـــــاء ★]

أنــــه مبــلل رموشـــي بدمعة المحتاز
أنه دموع الفرح مـــــــا وصلت لرمشي
وكَت الخير عشته ومــا شفت بي خير
صاحولي ملك بس مـــا شفت عرشي

روعاتك غاليتي

جزء من روعاتج وردايه .. نورتي

[وعد الأمير]

الله عليج يا وردة امتعتينا

[★ نـجـمــــة شـتـــــاء ★]

الله الله

الله على حضورك .. شكرا لك

[★ نـجـمــــة شـتـــــاء ★]

رؤؤؤعات

مرورج الروعات ورده

[★ نـجـمــــة شـتـــــاء ★]

رؤؤؤعات

مرورج الروعات ورده