تودع لو ردت رووح الله لا وياك
بعدني الوحدي اگوم الشكر للرحمن
صرت عيد بغرب
ما بيك لذة عيد
ولان طبعك سراب يكرهك العطشان
يا طعم انتظار وذلت المحتاج
ويا دمعة
غريب وشهگة الغرگان
جنت انت اعله بالي وصدفه نيزك فات
تمنيتك تصير وما صرت يفلان
تگصر ايدي احس كل ما كتبت وداع
وكصر بالردان وصار نص ردان
انا ادري بوداعي رحت تبجي دموع
صدك حجي السمعته تكول ما ندمان
گبر مهدوم خلگي ويمي اجو شمات
قروا مدري شني ما ذاكره القرأن
اروط بمشيتي من ثگل هم دنياي
ويفر بسبحته جايني البطران
انا بيه فرح ما ينوصف هيهات
بكد حجم الثلوج بوسطت البركان
صفنت وصاح بيه عالم الاثار
بالبصره عثرنه عن بقايا انسان
عمره ما يقارب سته سبع وعود
ومن ثاني وعد گاعد لحد الان .
.
ل مصطفى_البصراوي
.
رد مع اقتباس