رن هاتفها ليلآ
حجه وياهه و هوه طاير من الفرحه
هيه.. الله يفرحك يارب
احجيلي شنو الي مفرحك لهل درجه
هوه..احزري
هيه..اني شنو يعرفني يالله احجي
هوه.. اوك راح احجيلج
اليوم خطبت وراح اكمل نص ديني
هيه.. تضحك وكالتله بلا شقه
احجي شنو صاير
جاي يختبرني اغار لو لا ؟؟
هوه.. احجي صدك والله خطبت وبنت حلوه هواي و مؤدبة و بحياتهه محجت بالتليفون ولا عدهه تليفون اصلآ
هيه.. سكتت ومكدرت تحجي ولا كلمة
دموعهه نزلن بس بينت انهه مو مهتمه
وكالت اخيرآ راح نخلص منك والله هم شلته عن گلبي
هوه.. شكرآ الج وصدك هواي فرحان بالحجي وياج وانتي ماكو منج
ها صح اريد منج تكوليلي شنو نحط اغاني بالحفله
اني ماعرف ع شنو راح ارگص وياهه ولا شنو راح اهديهه
هيه.. اي من عيوني اليوم اشوفك و اكولك شنو تهدي للعروس
هوه..اوك اترخص هيه جاي تتصل بيه اريد اجاوبهه
هيه.. الله وياك
بيوم الحفله اتصل بيهه وكاللهه انتي غاليه عليه لازم تكوني موجوده بالحفله
هيه.. اكيد راح اكون وياكم
هوه.. اووك اشوفج بالحفله
بدة الحفله وهيه تباوع عليه بأخر الصاله خايفه تتقرب منه وتضعف وتبچي كدامه
هوه.. من بعيد باوع عليهه وكتهه حس شكد هيه مجروحه سكت وبده يرگص ويه العروسه اختار نفس الاغاني الي كلتله بيهن
تباوع عليه و هوه يركص وياهه وبكل خطوة اله تحس بوجع
وفجأة اغمى عليهه كل الناس ضلت تباوع عليهه
هوه.. انصدم ليش وكعت ركض الهه
اتقرب منهه ماكو نفس !!! معقوله ماتت!!!
لا مستحيل وليش تموت هيه كَالتلي!!
راح تكون فرحانه لفرحتي!!!
جانت اجذب عليه!!
وصلت الاسعاف
اخذوهه للمستشفى
هوه.. مكدر يترك الحفله انتضر لحد مخلصت وراح بسرعه للمستشفى
شاف اهلهه (امهـــه ، اخــــــوتهــه ، صديقاتــــها)
الكل يبچي تقرب منهم وسألهم طمنوني ان شاء الله مابيهه شي
كالوله الدكتور كال گلبهه وكف فجأة
.. اذكر وكته من كالتله اذا تركهه راح يوكف گلبهه
وكتهه هوه انهار و كام يبچي مثل الطفل
..
..
دخل يمهه
لزم ايدهه وكاللهه
اني وياج
اســف
والله مراح اتركج ارجعيلي
بس وكتهه هيه جانت عد ربهه
نسته ونست كلشي بالدنيه
رد مع اقتباس
المشاركة الأصلية كتبت بواسطة مۢہہژٱۣۗٳۖآأۣجہۣۗہيۣۗ 'ٰۗٛۧۙﮩ'ٰۗٛ
