أطش اعيوني بدروبك
بلکت تعثر ابريحة جدم منك..
وانشف دمعة البيها
خافن سچه مرطوبة
تعثرك من تمر بيها..
واگـول تـرد
والملم روحي للملگة
وحني جفوفي للشبگة
وشتل عالجفن بيبان
بلكت باب اليخضـر
تشوفه وتعتني ادگة !
واغمض عيني بحرگة
هلبت طيف مر بيك ويمر بيها..
یناغیها.. ويشح الطيف..
وأخيط للعتب قمصان
ألبسهن جنح طيفي .. واطيح عليك
الگاك بضريح الشوگ
صاحي بعين شمعة وصورتي گبالك
اثاري الليل كلة اثنينه امسيسين
واحد ينطر الثاني.. امساهر ليلة ويتاني
يمر طيفة علة الثاني ً! .
.
نوفل_الصافي.
رد مع اقتباس
