سولفي على روحك
هم بعدهي تحن
لو خلص وكتهة
وصبحت متحجرة
سكيتك ماي
وتوهمت جوري تصير
بس الاصله حنظل
يختلف بالحصاد امرة
ما فاد الوفى
وتعب السنين وياك
تجازيني بسهم مسموم
وتجويني بالف جمرة
حسافة على العمر
خلصتة نوح بنوح
وخلص طاري الصبر
باقيلة بس ذكرة
عرفة الله خلق
كل البشر من طين
ما يوم سمعت
خالق بشر من صخرة
خالي من المشاعر
ابد ما بيك اشواگ
لا احساس لا حنية لا حسرة شنهي بداخلك
فهمني خلي ارتاح
تحجيلي بعشك
وتبيعني بمترة
كلامك عسل
وبداخلك حية موت
ولسانك رفيع
احد من حلك شفرة
اريد اشلع كليبي
لخلاني احبك حيل
واعوف الدنيا للخانو
عسى ارتاح بين الموت والاخرة
نزعت عكال حبنة
وفرعت للكون
حب بلا شرف
يلثك بالاسم غترة
.
.
.
رد مع اقتباس
المشاركة الأصلية كتبت بواسطة ★ نِجمـٌــٍة شتـٍـٌــاء ★
