شامات أله عالخدود ...
يحچي علي دوم أبزود ...
أنخه ألله ألمعبود ...
أيلين أگليبه ألقاسي ...
شادهني شوگه ياخلگ ...
سكران منه أبلا عرگ ...
هوه ألثمر وأنه ألورگ ...
غيره فلا يحلالي ...
======================
شامات أله عالخدود ...
يحچي علي دوم أبزود ...
أنخه ألله ألمعبود ...
أيلين أگليبه ألقاسي ...
شادهني شوگه ياخلگ ...
سكران منه أبلا عرگ ...
هوه ألثمر وأنه ألورگ ...
غيره فلا يحلالي ...
======================
شكراً يازمن وأني ألك ممنون ...
عصفور بره ألقفص وأنه أبسجن مسجون ...
ألدنيا تفتر عكس ويه ألأصيل أتخون ...
والنذل عايش منسعد !!! بس والله كلهه أتهون ...
================================
ياقمه وأصاله ومرجله وتاريخ ...
يانبع ألحضاره ياعراق ألخير .....
ليش أنته أبحزن كل عمرك أنته أتعيش ...؟؟؟
أقنعني أبكلامك وأنطي أي تفسير .......
جاوبني العراق ومن گلب مكسور ........
ألف واحد أجاني وماكو كل تغيير .........
ردت أرضي ورد تشتمه كل الناس ......
مو عبوات أصيرن أني والتفجير .........
ومو طبعي أفرق بين هذا وذاك ........
وحسافه أتصير بيه فكرة ألتهجير .....
بس أنته عراق حسين والعباس .....
ميهمك أبد صدگني كل تأثير .........
جاوبني أبقهر حال الفقير أشلون ....
وأني الما أريده هسه بيه أيصير .....
من حقك گلتله وعيني بس أدموع ...
ما أكتب بعد ويخوني ألتعبير ...........
===============================
لاتفرح يشامت بينه وتلوم ...
ولك دنياك خايب والله غداره ...
يجيلك يوم تبچي وبالحزن مهموم ...
لأن هذا الزمن ماتعرف اسراره .......
اذا شمتان بيه ومبتسم فرحان ......
لاتنسه ابد دنياك دواره ...............
اقسملك قسم ماتبقه هيج ادوم ....
يل گلبك عليه صاير احجاره ...........
بس اني اعذرك عقلك ازغيرون .......
مايوصل العقلي ويوصل افكاره .......
=============================
أيكولون ...
======================
ولك اطفر نهر ماطوله بعده ازغير ...
اذا يوسع ابد ماتكدر اطفره .........
======================
جوابي لهم ...
======================
ابد مو مشكله لو نهري يوسع حيل ...
افوجن بالسباحه ولازم انعبـــــــــــــره ...
======================
أني من أحچي أسولفلك يقين ...
لا ألف ولا أدور ولا ألح ...
ألزين زين أشما يذم بيه ألكلام ...
وألرذيل أيظل رذيل أشما يغطيه ألمدح ...
=====================================
أحس بعض ألبشر متغير أهواي ...
وكلش مختلف ومغير أطباعه ...
ما أعرف عليمن وألسبب مجهول ...
أيجوز أفلوس عنده وزادت أطماعه ...
أتعجب وأشوفن بين ليله ويوم ...
ينساك ألصديق أبسرعه وبساعه ...
يمعود شجالك شنهي گلي ألصار ؟...
مو تدري ألشماته أوياي طماعه ...
چنت حاسب أحسابك غير كل أحساب ...
وحساباتي أطلعت للأسف خداعه ...
========================
عشت عمري وحياتي أفتهم كل جمله ......
ولكن لا أعرف ماذا تعني أغلاق مؤقت ,,,,
=========================================
ألعالم ألأفتراضي عباره عن أدمان ورب ألكعبه .....
ولذالك يجب على كل أنسان يراجع نفسه ويگول ....
أني عليمن سهران ؟؟؟ أني عليمن تعبان ؟؟؟
ألمفروض كل أنسان أينام من وكت أحسن وربي ...ههههه
=============================================
تحياتي للجميع .....
=============================================
اي والله صدقت و رب الكعبة ههههالمشاركة الأصلية كتبت بواسطة ..Diyaa Nawar..
كل يوم أسأل نفسي هذا السؤال
و أريد أمنع نفسي و ما أكدر
بس ضحكتني و الله هههههههههههه
