طبعا هذا الفيسبوك دمر الناس كلش
طبعا هذا الفيسبوك دمر الناس كلش
قبل شوية چنت صاعد بكوستر وبالطريق صعد رجال شايب وگعد يم ولد شاب من ذوله جماعة البنطرون النازل ومسرحين شعرهم تسريحة المادري شنو ..
الشايب أول مصعد طلع ربع وانطاه للسايق ..
السايق گال : حجي النفر خمسمية ..
الشايب گال : عمي اني أنزل بالتقاطع الجاي ، شدعوه خمسمية ؟!
عاد رأسا الشاب نبص من مكانه وگال للشايب : حجي إسمحلي أعلق ع الموضوع ، ترا الربع قليل وميسوه ..
الشايب گله : بويه مو اني أنزل بالطريق ماأوصل للأخير ..
الشاب گال : حجي إسمحلي أرد على تعليقك ، ترا حتى لو أنت تنزل بالطريق هم ميصير تدفع ربع ، لأن الربع بعد مااله قيمة ..
الشايب هز أيده وگال : عمي ترا الرحمة حلوه وأحنا لازم نتراحم بيناتنه ، صح الربع مااله قيمة بس يجوز اني ماعندي فلازم السايق ميهتم لأن الربع مراح يغنيه ، خل يحصله أجر لأن سهل أمر أحسنله من الربع ..
الشاب رأسا صاح بصوت عالي : لااااايك حجي !!
الشايب گال : شنهي لايك بويه ..
الشاب گال : يعني كلامك حلو ويستحق مني لايك يعني إعجاب ..
عاد الشايب رأسا نزع نعاله وگله : ولك أنت گاعد بكوستر لو بگروب ، دگوم من يمي لا أنكزك بهذا النعال إلا أسويلك إشارة بوجهك ..
عاد رأسا السايق إندار على الشايب وگله : حجي يرحم والديك يصير نسوي مشاركة ..
الشايب گال : سوي مشاركة وبدربك سوي تاك لأصدقائك خل يطيحون حظ هل نكز إبن النكز هذا
رد مع اقتباس
زين يسوي بيهم الحجي
المشاركة الأصلية كتبت بواسطة أمير الأحزان
