صور ودموع
ابـدّي الليل من اذكر معانيـــــكم ..
مثل دمعة بــعلاة الروج
يــالضعتــوا
بعـــدني اترجى الاگـيــــكم
طمــوح مخبّـــل وسكـران
بعدني اترجــى الاگيكم ..
ولا ظل شارع بروحي
ولا خيط اليدليني
اشـّــــفت بيها
خيوط العنكبوت ومو عرف بيـــــكم
واغبّــش وامشي ادوركم
وارد مهجـــور
عفية شكد نهر موجوع
حملته دمع واسرار ولا مل وجزع مني
عليه امتد جذر خاوي
وبطور العطش اغــرگ واغنيـــــكـم
ولا نخلة بقت بِـجرَيـــت
اذا مو بالجذع خطيت اساميــــكم
تجوني بدمعة السكران
تجوني بشدة الغركان
وافز فــزة نبي لوحيه !
وشكظ منكم
اذا مهرتكم الفرحة ورداءة حظي حاديـــــكم
يـــما تدرون
يــالضعتوا
انعـرض مرخـــوص غاليــــــكم
مرتضى مريود
https://www.youtube.com/watch?v=7wqsf0zxcqU
رابط القصيدة موثقة في اليوتيوب
رد مع اقتباس
المشاركة الأصلية كتبت بواسطة جراحات الزمن
