ادخيل ياچيمة سماري
ما اريد الجنة لو بيد الملالي
وخلني مفطوم اعلى ناري
خلني عايش
طيبة اهل البيت متونس واداري
امداري عاكَولي التوضة بماي عيني وصحرة صله
امداري كَلبي المنسجن وي غير مله
وتارس الحيطان لهفة لشوفة الله .
.
راكد بريحة وطن ما ادري المن ..!
مدري ياهو الباكَ من حسين روحي
ومدري ياهو الشال حظي شموع وسوادينة ريح
ومدري ياهو الصاحلي مرورة تعال
حيل فنجان الضمير بچف ابو الحسنين شيهزة ويطيح
.
.
نوبة اشوفن روحي جربة وظال عباس اعلى بالي
ونوبة اهيس عيني خيمة ويحركَ الشوف بحلالي
وهاي هية الحنة مو لثكَة عرس
الحنة فقرة
جنها متاع صينية القاسم ظالة بطركَ الشمس . .
.
عباس الغالبي
.
رد مع اقتباس
المشاركة الأصلية كتبت بواسطة FADK
