اموت وترد تحييني المواعيد
بدروب الفرح تحيه الهلاهل
واحطن روحي بين مهافف الشوگ
وارد عود بوسط ردف المناجل
ومكاتيبه اذا تندلني وتطيح
بعد ذاك النده شيسوي نازل
اردن واختلي لبرودت الطين
شما اسومر بخت حمل السنابل
واذا دثن عليه سوالف الغيث
اجيك مبلل بحچي الرسايل
مهي ندهة عشگ واليغفل يطيح
وانه ذاك الگظه كل عمره غافل
بصغر وستغفلتني ألوان العيون
ولهسه التيه بين عيوني حايل
لا صاير حچي بحلگ اليفرضون
ولا چلمة عفه بلسان عايل
وانه صح ماشلت ناس عله المتون
بس شكثر ناس بگلبي شايل
ومرود كحل خلي ونشوة الطيف
صرت ضحكة فرح بشفاف جاهل
لاغضيت خلگي عله اليطيحون
ولا عشت عله زلات المقابل
لخاطر ينشف الدم من توضيت
فرض مچتوف اصلي وفرض سابل
علي لو جبلت علوم المدبرين
الي تضحك حياطين المنازل
وثناياها وسگفهه وعتبة الباب
وشمسهه ولونهه وصوت البلابل
ودفو نيتي وسماري ونفحة الطيب
وملامح ديرتي وطين المبازل
الي شروة مروه استاهد الجاي
الدرب ذمه وحچي الوادم نوافل
عله ضحكة طايفه مفزز عناوين
وجهي وراحتي ويه الناس جازل
كل هذا وبعد كرد الله لو اطيح
يصحن للجنازه اربع محامل
.
.
الشاعر_اسعد_المالكي
رد مع اقتباس
جميل
المشاركة الأصلية كتبت بواسطة رناوي البصروايه
