الشوگ زلمة ابلا بخت وابلاية غيرة
آخ يلما ضيفت روحي ابحنينك
مرني لو جية (صُفَّر).. هم ارضة بيك
يلبعتني بسوگ نازل
.

سوربت عيني أو نزف غفلة ضواها
والدرب عاگول والناطور ليل
أو سولة الچول الصفير......,;,
.
.
ضحك كل التعب بجدامي أو عثر
دارت ابدمي سوالف غربتي أو خلتني عود
أو تالي بس احزام وحدي انة صفيت ابلاية رصعة اولاله ليرة^"
اتگودني الشوغات واتمرجح على احبال الونين,,;
.
.

أو حسرة العاشگ چبيرة,,
الناگة تحزن من يوّن الها طفلها
الشاطي يبچي اعلة السفن يترجة اهلها
دجلة. شح الماي منها
أو فرفح ابزوده أو ضحك ماي الفرات:;
ما حسب باچر يطش گطراته بارح--