_________________________
الجرف جذاب
انه اول جدم ثار
ورسم خطوة هرش عالكاع
مرصوتي قطار ومالكه السجه
اعله دربك ضاع وحروفي ضوه الليلك
بجه منل خوف ليل اشته
شك اشراعك التعبان
خاف اتسافر ودرب البحر مفتوح
خاف اتسافر وبال الحزن مفتوح
والكاك ويه مهرط طايح
وسيف البي غرت الكاك بي مذبوح
شك اشراعك التعبان
واشطب من هويتك صورة العنوان
والجنسيه شكهه وضيع
ياهلبت علايم سهم ذاك الموت تخطيك
وتمد اجفوفها لدرب الخذاك وبس عليه اتبيع
وابنادم على اهدك سعفه جان الخوف خطاره
واليغار ايروح صنطه
اللي يريد ايغار
يشرب صفنته غفل
بالجفن مامش دمع
بالطيف ايودي النذر
للنعش بيدر شمع
حكهه السفن بالبحر تبجي وضلعها ايصيح
جاشنهي نفع الشرع من غير وكحت ريح
جف البيارغ نجم يصعد وعيب ايطيح
من كون ايوج الضلع غيره اعله اخوه الضلع
(ينجابن العتبات)
امطر غيمك المختاض بوجوه الحزن واعيون الوﻻيات
واشبخ عل درب فارس نواطيرك هلك والكمره والنجمات
من اول محطه الجرفك المحتار شهكت هيبة الرايات
.