مرّة گلتيلي أرد أشمك والله بگليبي إنتچه
وصارت الغربان بيض ، ومدري چم خنجر بخاصرتي حچه
مدري چم شيطان لف روحه إعله دربي
و مدري چم ركعة عشگ صلّولج بمحراب گلبي
مدري يفلانة العذر ويّاچ مدري ويه العواذل
اشما أمد سنبل رغبتي اعله الچفوف تخضّر الحنّة مناجل
اشما أمد شراع للضحكة البعيدة ، تفز نعاوي أمي گمر
اشما أحس روحي جديدة ، الدنيا تسبگني دهر
وآنه ذاك آنه الغريب وليل الولايات يتنفّس بريتي
وي كل دمعة إحديثة تطيح تتشگّگ هويتي
والحزن صاير هويتي
عبد الوهاب الحمداني
حزني ايجيسني اويه الليل
حزني بعيــــــــــد
غاد من الگلب حزني
أبعد من مكاتيبك
وانت هنــــاك ، غاد من الشعر مكتوب :
القصيدة تجيب كل شي بعيد
بس ما تگدر تجيبك !
حزني بعيــد ما ينلاح
مثل حزن النبوّة و فشلة التفّاح
حزن أعمى اعله المراية
حزن شاعر شعل روحه شمع لعيون الولاية
حزن هذا الوطن حزني
حزن نثية خذوا منها گصيبة و راي
حزن جرفين ما حفظن أسرار الماي
حزن كل العراقيين وأدري هواي !
عبد الوهاب الحمداني
دفــنوني وبـچوني أحـباب
دگ گــلبي
وگــعَدت أخـضر
كوم خفف لوعتي وطوي العذاب
ساعة وحدة انذب قهرنة ثنينة
ومانريد الزاد ويولي الشراب
نريد بس ابليس يكعد بينة
أغبر يازمن وياي تعكس ليش ...
وتخلي ألشماته أتصير مرتاحه ...
تركض عالفقير وهذا حالك دوم ...
وتعيشه بألم وتزيد أجراحه ...
من طبعي حنين وناسي تعرف زين ...
روح أسأل جميع ألناس بالساحه ...
كافي يازمن خليني مره أرتاح ...
وأشوف ألوكت فرحه وعايش أفراحه ...
خلص عمري وأبد ماشفت راحه أبيوم ...
وجميع ألناس ضدي وشايل أسلاحه ...
أنه أشبدر مني وبيه هيچي أيصير ...
بس كلمن قسمته أبدنيا علاسه ...
خلص عمري أبعذاب وحزن فوگ أهموم ...
وأحس ألموت يمكن دگت أجراسه ...
مو صعبه ألبشر يترك ألدنيا أيموت ...
ولا فد يوم صعبه أيفارگ أنفاسه ...
أسولف من گلب مليان بس أهموم ...
ويكتب بالشعر ويوضح أحساسه ...
چنت شجره وعله ألأحباب أصير أفياي ...
ما أعرف شجاهم صاروا ألفاسه ...
بس ربك كريم ودوم بالمرصاد ...
ميعوف ألجرحني مرتفع راسه ...
==================================
عليك أبكل وكت تسألني هاي ألروح ...
أتنادي بأسمك وحسرات مليانه ...
يهز ذكراك عقلي ويعصر ألعينين ...
وعله أخدودي أشوف أدموع خجلانه ...
يابويه أبغيابك مابقتلي أعيون ...
ماتت من كثر ما ألك ظميانه ...
من يوم أبعدت ماطب فرح للبيت ...
ومن كثر ألحزن فطرت حيطانه ...
گلبي أشلون أسكته ومايفكر بيك ...
أشما حاول أسكته أيثور بركانه ...
=====================
من طين أنخلق معروف أدم صار ...
وأخذ منه ضلع حواء سواهه ...
شوف أشگد فضل أدم عله ألنسوان ...
كل هذا وعقل ممسوح تلگاهه ...
======================
لسمعك شعر يسمر لاتضن مسموع
وأغنيلك قصيدة ودارمي وموال
وأوشل الليل كله وياك وأسكر بيك
وأنعل أبو بليسك موش لعب عيال
جرح للبيع عندي ورايد ألشراي ...
وأسومن بالرخص بس كون أبيعنه ...
لأن هذا ألجرح تعبني حيل أهواي ...
يرجع ينفتح كل ما أروفنه ...
سألته وگلت ليش أتعذب ألحال ؟...
يضحك من سؤالي من أسألنه ...
جاوبني فقير أتغشم ألروح ؟...
لو قصدك أجاوب أني مو منه ...
ماينكر أبد من وين لو صار ...
لذالك قررت بعيوني أشيلنه ...
=======================
تــعال ويـاي نـاخـذ دور الاطـفـال
بيـت بـيـوت نـلـعـب أنــه وانـتــه
وبـحجـت أزغـار ومـا نـعرف العيب
حط اشفاك فوك اشفافي سكته
