هنا

[كأس سقراط]

ماخذ وياي العراق بجنـــــطه
ما كفت الجنــــطه
طالعه منها مناره وعثك نخلـــه
وشعله من عيون نفطه
وراح نوصل… ذاك حد السيطرات
وذيج ضوايات المحطه
وين اضمها.
لا هوه اكتاب ويخليه المسافر جوّه أبطـــه
الحمد لله.. الدنيا ليل… ونقطة التفتيش سنطه
هاي نقطه ويمها واحد
نقطتين. ثلاثة. خمسه
ست نقاط ويمها واحد!!
تنحسب مليون نقطــه
وصاح مسؤول النقاط بصوت عالي
هاي ما معقوله جنطـه
بصيحته انزرعت الساحــــه
رجال أمن ورجال سلطه
بجرة السَحَاب شافت عينه نجمـه
وطكته ريحة الحنطــه
ما لكه غير العلم.. كلي شيـفيدك
كتله غربه
إحنه غربه
ومن نموت هناك… جا بيش انتغطه؟
أخذ للجنطه تحيه… وكلي توصل بالسلامه
وهاي أول مره أفوت بسيطره…
وما انطي رشوه وتستعد كدامي شرطه


اخر قصيدة للكبير الشاعر
كاظـــــم اسماعيــــل كاطــــــع

[كأس سقراط]

ـــــــــيه الدنيـــا ادور ادور
وشكد يحلم بيها ابنادم حد احلامه لجيت النور
وشكد ينذر بيها ابنادم كل انذوره للما مطلوبين انذور
وشكد يتعب بيها ابنادم كل اتعابه للماتعبانين اجسور
هيه الدنيا اشكدما ثكلت ماتطلع ريشة عصفور
وزنا ها وحاكمناها وطلعت تضحك زور بزور
هيه الدنيا بلون الورده...ماي...ودم
اشكد ماراد يلمها بنادم تطشر كلما تلتم
يافرحتنه الضاعت بيها وياخاطرنا الرد مكسور
هيه الدنيا ادور ادور........

للشاعر الكبير عبد الاله منشد الخليفه

[جين]

ومدام ،،،؟

ادري بعشگهم طيف

شلت الناس من بالي.

[Ali Ibrahim]

اعاتب روحي مدري شلون ردتك
اني عاكولي اترف من وردتك
وجنت ماي واعرفك انت مو طين
ما اعرف شجاني وبله زدتك

[ريري الملكة]

مابيك غير العافية المابية
گالوا حلاة الصدفة مو يومية
يومين ما شفتك عظم وجهي انشاف
وانة السبع يومين ياكل بية
وأتفاجأت شفت الاماكن وياي
مشتاگة لك اني ادري بيهة اغنية

[ريري الملكة]

يـَ المعلمني
اســولف كلشــي لعيــونك
مو گتــلك قبل لــتروح
دورلــي وطــن بــي ريحــه من طولــك

[كأس سقراط]

الشاعر كاظم اسماعيل الكاطع

مامرتاح

عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين !!
وبعيده المسافه وينٌسي اللٌي طاح ..
ما مرتـــــــــــــاح
لأن شفت الشمس نزلت تبوس الكًاع وبچف الطفل تنلاح
ولأن قاضي البلابل مدٌد التوقيف ومفتوحه السِما والفيل عنده جناح ما مرتـــــــــــــــاح
لأن قفل المحبه إنباكً وِترهٌم عليه مفتاح
ما مرتــــــــــاح
متروك بجزيره وتيٌهت بالليل وإجو ربعي عليٌه بقافلة أشباح وإنته إشبيك ؟؟؟؟؟
لمٌن دافعت عن نفسي صابك غيض مو حتى الكًنافذ من تحس بالخوف تستخدم جلدها سلاح !!
ولا جن الفجر مثل الفجر محبوب لون الفجر صاير يقبض الأرواح !!
ما مرتـاح
من ربعي ولا مرتاح
تمساح إبنهرهم صاحو من الخوف وجازفت بحياتي من سمعت لصياح !!!
صارعت المنيٌه وبيده هزني الموت!!!
ومدمٌى إطلعت :- صفٌكًو للتمســــــــاح
كل هذا وتريد أرتاح
ما مرتـــــــــــــــاح
ما مرتاح من ربعي ولا مرتاح نادوونـي..
وركضت إبليــل إيد الرسن بيها وإييد بيها سلاح
عثرت مهرتي ... وربعي قبل ما طيــح واحد كًال للثاني أبشـــــرك طـــــاح
أبشــــــــرك طــــــــاح

[Ali Ibrahim]

يانسيم الريح قولي للرشا
ماسقاني الوردُ إلا عطشا
لـ حبيبِ حبه ملئ الحشا
إن يشى يمشي ع خدي مشا
روحه روحي وروحي روحه
إن يشى شئت وإن شئت يشا

[رحيـــل]

بانتظارك خلصت عمري إنتظــار
عاشرت ليـل المحطه
وارتجي إيجيبك قطـار

والقطــار !!
لو يحب مثلي ..
وتشب بضلوعه نـار
يسرع إبمشيه ويجيبك
بالفجر قبل النهــــار

[كأس سقراط]

رائعة ذياب كزار(ابو سرحان)

حدر التراجي برد …
والكَنطره ابعيده
وأمشي وأكَول أوصلت
والكَنطره ابعيده
ونكَضني مشي الدرب
والشوق هز الكَلب …
والكَنطره ابعيده

حلمانه برد الصبح …
رجَّف خلاخيلي
يا دفو جمّل دفو ..
يا كَمر ضوّيلي
ويا ذهب خيط الشمس طوكَين سويلي
لايكَلي طوق الذهب والدغش ما ريده
وأمشي وأكَول أوصلت والكَنطره ابعيده * * *

لا لا يبرد الصبح .. ما تحمل اجفوفي
ازغيره وجواني العشك ..
وأتوسّد إزلوفي
هيمه وجحيل الوكت ..
ما لمني نفنوفي
لوذي إعله بعد البعد ..
يا روحي حدر ايده
وأمشي وأكَول أوصلت
والكَنطره ابعيده ...