ما مشتاقلك .. كلّش
ولا حايط صفنتي.. وذكرك يفلّش
ولا روحي غصن وموادعك حطّاب
ولا يفزع دليلي بنص عرِكهن عِش ..
ولا ممصوخه روحي وفاهي طعم الليل
ولا عطّاب صفناتي وصل للغيــم
ولا دخان كَلبي وصل لسماي
وانشد بالمطر ويكَول لس ماي
ولا انسى .. ولا مشتاگ لسمي
النسيته من مشيت وظل حرز بشفاك
ولا اهواك
ولا مل منّي بعدك حتى وجه اكَفاك
وجِذَب من كَال روحي معلّكَه بطرواك
ولا سامح الكَال اسم الله كل ماطيح
وكَلك كِلّه من اجفاك ..
انه بنعمـــه
وحكَـ عافيتي والنعمه الخذتها وياك ..
ولا اكاسر صفنتي بصحتك وملكَاك
ولا وحشه
ولا ابدي السهر بجفاك من غبشه
وياهو الگال
ليلي ادروب عصريات
وانت طيوف تتمشّه .؟
بيش احلف ؟
انه و بيناتنا اللجمات ما مجروح .!
اشتريد تسمّي حچيي الفات .. لتسميه
كل ما في الامر حِرشه ..!
واهو المذبوح يتحارش بدمّه الفاض
ويرفس عمره شهكَـه بخنكَــة الرعشه ..
رد مع اقتباس
حلوووو
