مدري ليش أرتاح للوجه الثكيــــــــل
ومدري ليش يروح وأبقى مناطــــــره
انا عكس الناس أموتأ على القليــــــــل
والمصيبه هوايه أعوف لخاطــــــره
وحيل كاعد الك يبو أحساس البخيــــــــل
كعدت الجف على وجه الساطــــــره
والله مـــا اكدر أعــوفك مستحيــــــــل
شـــلون اصوم أكبال عالم فاطــــــره
كبــــال بيتك ياحمد شميت هيــــــــل
وصوت كهوه ودمع ناس مسافــــــره
مـــن كثر ما أنتجي وما بيه حيــــــــل
صاير أنسى جفوفي فوق الخاصــــــره
وصــــارت الفزه مثل فزت العليـــــــل
النــايــم ومــن لحمــه زلــو ظافــــــره
صـاير مــن أبجــي عليك بدنيا ليــــــــل
ثــاني يــوم تكــول يــمكــن مــاطــــــره
هــذا الــي بعيني دمع مو مي سبيــــــــل
ويا بخت على الوجه كل ساعه شامــــــره
جــنت اظوج و أزعل و أتمنى اعيــــــــل
لاكــــن أعـــرفه مشـــاعر عابــــــــره
من تجيني بكلمه وحده تفرني حيــــــــل
ســبحـــه وفتـــرت بصــابع كافــــــره
والله لــو ما احــب فلا يكدرلي ليــــــــل
ولا بجيـــت ولا بقيـــت بساهـــــــره
ولا طحت يمك مثل طيحت دخيــــــــل
وجـــان فــاركت التتــن لمعاشــــره
بس الي يحب بجذب لو شي قليــــــــل
مثــل الــي يسب الشريفه الطاهــــــره
جنت يمك خيط بس اطخني اميــــــــل
وانــت تشمــت بكلبــي الكاســـــــره
حيـــل بيه كــون اكضيه ذليــــــــل
شلـــون اصير حزاب يم السافـــــره
رد مع اقتباس
المشاركة الأصلية كتبت بواسطة رناوي البصروايه
