هنا

[ارجع يازمان]

واكو واحد توه خاطب!!

حسين االساعدي

،،،،

هيه اخر دمعه ضلت

وانه كاصد للنجف



والكبور اهوايه صارت

كلهم اعزاز وعرف!



والعشيره اهنانه شالت!

جنه منقول السلف!



كبر ابوي اهناك اشوفه

ودمعتي الضلت ترف



يا خوالي ويا عمامي

ويا اهل كل الطرف!



واصدقائي اشكد احبهم

راحو إويا للاسف!



واكو واحد توه خاطب

دايخ ابهذا الوصف!



راح للجبهه ويقاتل

مارضه ابمس الشرف!



ما نزف من جرح كلبه

رغم ما جرحه كلف!



ضلت الحلقه البصبعه

اهوايه ماخذها النزف!



هاكثر شوكه الحبيبه

وما سكت كلش صلف!



شفته يتلاوه اويه كبره

ويخسف ابكاعه خسف



مدري وين ايريد يمشي

ابمشيته الما تنعرف!



كاشخ ابثوب الشهاده

وبالعلم يمشي ويرف



شايل ابحضنه الرسايل

والصور فوك الالف!



شفته زعلان ويعاتب

وحيل مغثوث الترف!



ثاري هالمشيه الحبيبه

ايلحك ابعرس الولف!



واخذ هاي الدمعه مني

وخله دمعي المايجف!

االساعدي

[§§زهرة البصره§§]

جميل

[ارجع يازمان]

جميل

حضورك اجمل دمتي بخير

[عاشقه امي]

جميل

[ارجع يازمان]

جميل

الروعه بحضوركم

[غمارة بغدادية]

جميل جدا جدا جدا