مشتهيك هواي كلش مشتهيك
شلون جزوه..
من يحط طير بصدرها اتكب عليه
ومشتهيك..
شلون الاخرس
من يمر طاري السوالف
تلتلم حروفه على حلكه وجلمته بشمرة اديه.
ومشتهيك
بشوك جاهل من يفزّ جوعان لمّه
يريد يتناغه بحضنها خاطر تسكّت بجيه.
ومشتهيك وداعة امك مشتهيك
شلون ناي.
متاني نفخه تعيد عمره
وينتشي بصوته ويفرفح لليجيه.
ومشتهيك
بواهس حديثات غبشه..
عيونهن كلهن بلابل
والبلابل صوتهن حيل اشتهيه
ومشتهيك
وليمت اتحن مشتهيك
ضياء الصافي
الله الله .........
جميل جدااا.... عجبتني هوااي ... مشاء الله مبدع
أجوب بين السطور أبصر الى عزفك
فيرتجف الحرف من بديع مارأى
سيد ضياء .. ابدعت
لحضورك هنا سعادتي....المشاركة الأصلية كتبت بواسطة Neo
ايها الاستاذ الرائع..
الجمال حضورك اخي الكريمجميل جدااا
انرت
امتناني لتلك الاحرف التي لطالما ابهرتني بعزفهاأجوب بين السطور أبصر الى عزفك
فيرتجف الحرف من بديع مارأى
سيد ضياء .. ابدعت
ودي وخالص احترامي
الله الله
ومشتهيك ....
وروحي متروسه سوالف ارد اطشهن عليك
عاشت الايادي صديقي الغالي
الله عليك يا مبدع
صور جميلة بالقصيدة وذوق راقي بأختيار المعزوفة ,أحسها اندمجت مع كلاماتك
تسلم ابوحسين
مبدع
رد مع اقتباس