واحد يكول ..
مرتي جانت عدها دجاجة لونها احمر على صفار مدري صفره على حمار..المهم"
جانت تحب هاي الدجاجة مثل حبها لجهالها... وكلما تزعل مني تخليها بكارتونة فارغة وتاخذها وتروح لاهلها ..
ومن اروح أراضيها وأرجعها وآخذ وياي وسطاء هم تخلي دجاجتها بنفس الكارتونة وترجع ...
ويا رايحة هالدجاجة يا رادّة ...
يكول يوم من الأيام..ردت أغير اسلوبي وياها وادلعها حتى ماتزعل..
كلتلها "هلبت تسوّيلي جاي يبعد روحي؟"... وريتني ما كلت الجاي لا هو جاي لا هو كهوة ولا هو مزيج برنت متروس بثل !
شربت منه أوّل كمع وما كدرت اكمله وباوعت عليها وكلتلها: بعصبيه
ولج بلّه هذا هم حاسبته عليه جاي ؟!
يكول: الدجاجة جانت تباوع عليه .. رأساً ركضت وطبت بالكارتونة
دجاجة تضحك هههههههههههه
شكلها مبسوطة على الاخر
