باجر كلمن ايروح القسمته!-الشاعر حسين الساعدي
كَفينه العتاب وصار الوداع
باجر كلمن ايروح القسمته
واسنين المحبه الخلصن ابساع
وحسافات العمر ذاك الخسرته!
خلينه انتوادع جيب الاوجاع
كلمن هسه ويحضر دمعته
هسه اثنينه ونوكع عله الكاع
ونصرخ حيل منخليها سكته
ياقسوة اهلنه ابذيج الاطباع!
نصيح ابصوت مخنوك ابعبرته!
والقسمه الاجتنه اتريد فزاع
واهدلها ابجرح تازه ابكشخته
خلينه انتأكد ضاع ماضاع
ياذاك الوعد وانته االكطعته!
انه الشوفتك تعرفني طماع
واعوفنك اشلون وتقبل انته؟
وتريد السفينه اتعوف الِشراع
وتعوف البحر يبقه ابصفنته!
يا فلاح يرضه ابهاي الاوضاع
ويشوف الزمن يكطع وردته!
صدكت الزمن والزمن خداع!
غافلني واخذ مني العشكته!
االساعدي
رد مع اقتباس
المشاركة الأصلية كتبت بواسطة ★ نـجـمــــة شـتـــــاء ★
