بعدك ماجزت نفس الصفات البيك ,,,
بعدك ماجزت نفس ألصفات ألبيك ...
طبعك ماتغير من زغر سنك ...
عاشرتك عمر من مشيك أنه أقراك ...
واندلك أمغمض ماتهت منك ...
أعرفك يالبن وبذن أدي مخبوط ...
وچف ألثخنك هم يگدر أيشنك ...
تذكر لو نسيت أشچنت ألك يفلان ...
غم هاي ألسنين ألعلي علنك ...
زمن بيه ألذيول أتجاوزت عالروس ...
وأنته ويلزمان اتجاوبت چنك ...
تريد أتصير بيه وحاولت مرات ...
تگص هاي ألچفوف ألگبل شالنك ...
لا وألصورك وألساندك وأنطاك ...
ماتگدر أظنونك غلط ودنك ...
أنه أمخاوي ألصدگ وألغيره وألأيمان ...
وعكس هاي ألصفات ألبيه خاونك ...
أعرفك گبل ماتحچي أشتريد أتگول ...
وأعرف ظاهرك وألمخفي وظنك ...
تلمع مو ذهب ممكن أتغش ألناس ...
ماغشني ألبريق وفرزنت رنك ...
وأعرفك حته من تبچي أبدمع تمساح ...
قاري أسباب نوحك وأفتهم ونك ...
لأن مكشوف أليه وحافظك عالغيب ...
وأنت أتموت غيض أعيوني يقرنك ...
طول ألليل صبري وأنته بيه مرتاح ...
وعن عيني ألليالي هواي ضمنك ...
هم يطلع فجر وأتواجه أنه أوياك ...
موش أني ألجروح البيه يلگنك ...
=======================
منقول
رد مع اقتباس
المشاركة الأصلية كتبت بواسطة ★ نِجمـٌــٍة شتـٍـٌــاء ★
