انا كافر! "شعــــــر"
انا كافر!
من كَبل مو هسه كافر
جنت بأيام الدراسه بصف الاول كَاعد بصفي يتيم
مرتبه هدومي واسولف كلشي يمه
وما افكر شنو احساس الفاكَد امه
وما اركز من اشوف الدمعه من تشرحلي همه
شوف امي شكد تحبني
بوسه عالوجنات ترسملي الصبح وتحب كشختي
شكَد دفاتر جابت وترست جنطتي
وهاي كوم اقلام عندي ملونه وارسم ضحكتي
وماحسبت احسابي بدموعه اتاجر
وقرب موعد اجتماع الامهات والمعلم كَال باجر
والما اشوف امه تجيله غايب وماسجله حاضر
وهو صاح اعله المعلم امي ماتكَدر تجيني امي سكنت بالمكَابر
وعندي بس صوره قديمه يصير اجيبنها وتكَلهه اعليه شاطر
وجبت امي بكل صلافه كَباله امشي بكل تفاخر
وهدن دموعه اعله طوله ونكَعن كل الدفاتر
وهسه اريد الوكت يرجع ما اريد يمرني باجر
ارد اخلص ذنبي اليرافكَني ظلي وحطم بكَلبي المشاعر
رايد اتبرعله بأمي ولا اشوفه بدمعه حاير
ولا اشوفه كَبالي حاير
انا كافر!
رد مع اقتباس
يهنياله الهوه
المشاركة الأصلية كتبت بواسطة علي الشمري♪
