هنا

[فقار الكرخي]

لا مو شغلة بخيل

بس امي مريضة يعني مو مال تكعد تطبخ وتنفخ وتفرش وتعدل
هي حايرة بروحها وتنام من وكت
ويجيك الافندي يتمدد وجهالة يلعبون طوبة بالبيت وكلساع كاسريلهم حاجة وصياحهم واصل الباب الشرجي
زين يبات فد يومين او 3
وعلى هاي المزيقة
زين واحد وين يرتاح ؟اذا ابيتي ما ارتاح لعد وين ارتاح .
واكعد بليل اغسل مواعين صدك جذب خما اخلي امي مريضة تغسلهن
لا واليكتلك يكلي مناكل الاكل اله خضورات
ويكعد فقار الكرخي ينضف كرفس
واذا وياهم ولد لازم اغيب من الدوام
وال 150 الف الزينة اطير من الراتب

ام التقييم خلي احجيلج هاي المزحة

اجة خالي وكلي اريدك تاخذني المول المنصور
تدلل خالو باجر تأمرني .
وجان يكعدني ساعه 5
ولك ها شبيك
كوم خل نطلع نروح للمول
بله هذا اذا اطيرلة بدفرة بمعدتة منو يكلي ليش
المهم صار العصر وكتلة يالا امشي
دخلنة المول
وياهو اليشوفة يسلم عليه
يمعود دخيل ربك
كلت ماكو غيرها اتيها هنا وارجع للبيت
بنص الهوسة تيهتة وفلتت للبيت
دخلت للبيت والكاه كدامي

هي مو مثل ما تفضلتي شغلة بخل
بس ماعدنة احد يهتم باليجي
وتوكع براسي
وخاصتا هسة الواحد نفسة مامتحملها مو يجيك جيش

لهذا عازمج على غدة
بس انتي التغسلين المواعين

[فقار الكرخي]

خل احجيلكم شوية سياسة
ولو اكره هاي الفقرة

في بداية المظاهرات يومية اطلع اتظاهر وياهم
بس تظاهر سلمي يعني شايل علم وامور تثقيفية .
بمرور الايام كامت تصير مناوشات بين المتظاهرين والقوات الامنية
فرحت يم موقع المواجهات ولكيت هواي ناس ملثمة ؟
سألت احد الملثمين ليش متلثم
كال الغاز مال الدخانية يخنك
كتلة وين اكو هسة كلشي ماكو
المهم كامت تكثر الاشخاص الملثمة ورغم الشغلات الشفتها بعيني ضليت مناوب على المظاهرات
الى ان صارت بدون ملح . وقتلو الشهيد احمد المهنا من يومها قررت بعد ما اروح
لأن ما احب اشارك القتلة حتى ولو من بعيد
وعرفت ان المظاهرات تم سرقتها من جماعة مقتدى
لأن صورة ئلسيد تارسة المظاهرات
سألت واحد كتله مقتدى مو عندة حزب ومشارك بالحكومة ؟
شعجب رافعين صورتة
واله شوية ويسوي نبي من انبياء الله
طلعت السالفة مو نريد وطن
الصدر رافع شعار باطني نريد حكم
وهالتشوفون جماعتة شنو ديسوون بالمحافظات وببغداد
اني ما احب مقتدى ولا جماعتة ولا الاحزاب
بس اشوف اسوء الاحزاب احسن من مقتدى وجماعتة
بسبب تقلبه يومية بمزاج وماعدهم لغة الحوار اي حجاية وكام يغلط ويهدد ويقتل .
وملاحظة من اول حكومة قادت العراق هو معاديها لحد هذا اليوم
من اياد علاوي والمالكي والعبادي وعبد المهدي
محد يعرف شيريد .
وقبل فترة واحد مسوي نفس حسابي بالفيس وداخل يغلط عالناس وعلى جماعة ئلسيد .
واجوني دكو الباب . ليش تغلط عالسيد .
واني منا شلون احبهم . كتلة هذا واحد مسوي نفس حسابي مو اني فماعندي حجي احجي وياكم وبعد لحد يجي يدك الباب .
الحجي ماصرفلهم . لا انت
يمعود روح
اليوم شوف شنسوي واليوم نحرك ونطفي .
طلعت بندقية وكتلة انعل ا...م وجريت ئلسيد وياهم بالفشار وجيب ذاك ودي هذا .
يابة طلعت مو انت صحيح الحساب مال واحد مغرض .
بس انت سبيتة كدام عيونة ومسامعنه
وراح نتساهل وياك . تجيب عمامك وتحول على مكتب الصدر بالنجف .
هاي شلون تفض ياربي اعصاب ماعندي لا اروح اقتلي واحد منهم وابتلي .
كتله اخر شي اسوي بحياتي هي هاي السالفة روحو منا ماعندي عمام اني مكطم .
راحو اجوني ثاني يوم
عمي تعال احنه نريد انفضها وياك
تروح للنجف وتصور مقطع فيديو من مرقد ابو مقتدى وتطلب المغفرة والاعتذار عسى ان يغفرلك الصدر .
لك هاي شلون سالفة ياربي لكم بابة روحو وشتريدون تسوون سوو
بسيطة واحنه نعلمك
المهم مرت 3ايام واجوني ولد 2 اعرفهم
يابة سديناها السالفة الك
ادري بيها جذب مجرد يريدون يحفضون ماي وجوهم .
لهذا قررت اروح اقرة الرسائل العملية وكتب محمد صادق الصدر
ردت اشوف هذولة من ياملة وشنو يتبعون .
وبعدين عذرتهم

[فقار الكرخي]

من الايام التعيسة والسودة بحياتي
هي استشهاد والدي رحمه الله
على يد الأرهابيين في شارع حيفا
الامر الذي قلب حياتي رأسا على عقب
من تدمير الحالة النفسية وأمتلاء قلبي بغضا واصبحت ابحث عن الثأر
الى ان اتت الساعة التي كنت ابحث عنها وهي الامساك بالمجرمين الذين قتلو والدي من قبل القوات الامنية
وادخلوني عليهم وقالو لي افعل ماتريد بهم .
اني في طبيعتي لست بالانسان الحقود
ولا توجد في مبادءي أيذاء شخص لاحول له ولا قوة
اكتفيت بسؤالهم
لماذا قتلتم والدي ؟
اعدت السؤال كثيرا ولم يجيبو .
حتى دخل عليهم احد السجانين وضربهم وقال لهم اجيبو من اصبح يتيما بسببكم .
كان جوابهم لأنه شيعي ؟
ليست هنا المشكلة
المشكلة احد القتلة يكون جاري ؟
ولازالو اهله يترددون علينا وهم يعلمون ان ابنهم اشترك بقتل والدي
الذي كان يناديه عمو ؟
لم اخبر احدا بالأمر بأني عرفت من هو المجرم
واذا بأهل المجرم علمو بأني علمت بفعلة ابنهم
ولم يمر الى وقت قصير واذا ب أم المجرم وهي تدخل بيتنا وتنادي بصوت عالي
دخيل دخيل اهل الرحم ؟
وانا ارى على وجهها علامات مرعبة خائفة مرتجفة .
عرفت انها قد علمت وقد اتت طلبا للرحمة .
ذهبت لها مسرعا راكظا نحوها واذا بها تسقط ارضا فاقدة للوعي ضنا منها اني سوف انتقم .
وبعد تجمهر الجوارين واهلي واغتسال وجهها بالماء بدأت تستفيق
ذهب الناس وبقينا انا وهي وامي وزوجة اخي بجنبها وهي ترتعش
ذهبت والدتي لأحضار فراش لها
وطلبت من زوجة اخي احضار شيئا ما
فقلت لها .
خالة لا ذنب لكم ولم اخبر احدا بالامر
اتمنى ان ترتاحي وتدعي الأمر سرا
بكت بكاء شديد ممزوج بالفرح والخجل مما فعله ابنها .
مقتديا بكتاب الله
ولا تزر وازرة أزر اخرى
ونحن لا نؤمن ب( الفصول والتهجير )
حتى حانت المحاكمة وطلبو حضور المدعي بالحق الشخصي
رفضت الحضور ليس حبا او رحمة بالمجرم
ولكن كنت متيقن ان كلام رسول الله وبشر القاتل بالقتل ولو بعد حين
لم يصدر من شخص عادي
حيث كان موقفي لم اشتكي ولم اتنازل
حتى تم حكمهم بالاعدام لقضايا اخرى
وماتو 2 في السجن بسبب المرض وكان جاري احدهم .
وبقي هذا السر مكتوم في داخلي لحد هذا اليوم لا يعلمه الا الله وانا ووالدة القاتل
كوني لا احب تكوين العداوات او الانتقام بين اخوتي واعمامي واهل القاتل
مؤمنا بأن عدالة السماء ربما ستقول كلمتها الان او غدا

وها انا الأن اريد والدي
لا الرب قادر ان يملئ قلبي بالنسيان
ولا هو القادر على ارجاعه

[فقار الكرخي]

طبعا فرحت واعتبرها انجاز
انو اني اخر واحد يتحدث بهذا الموضوع بسنة 2019

احتفالات راس السنة ابد ما تفوتني
من يوم بداية الاحتفالات ولحد 2019
اني واصدقائي نروح للمنصور
وهناك الاحتفالات غير شكل
اليوم انا حزين بسبب بعدي عن العاصمة الحبيبة بغداد

حيث لا اضواء ولا احتفالات
السماء والطارق
كل سنة استقبلها بفرح ودعاء ونتبادل الرسائل مع الاصدقاء اليوم اشعر بوحشة هذه الطقوس

سأستقبل 2020 بأبيات بسيطة


كونج محملة اجيتي
بخير تردين الصلح
سنين مرت كلها سودة
وننتظر منج صبح
ونشبع افراح بحضورج
والحزن عدنه يشح
ويزدهر ويرد وطنه
العاش وبظهرة رمح


فقار الكرخي

[فقار الكرخي]

مساحه من البوح فقط هذا ما احتاج اليه حقاً ان اسند نفسي على كتف لايميل ولاينحني
ان اجد يد تمتد لي لتمسح دمعه انسكبت بصمت ان اجد من يطبطب على كتفي
ان اجد من يخبرني في لحظات ضعفي ها انا ذا بجانبك
احتاج من يخبرني ان الحزن لايليق بك
وانا ابتسامتي تبدو اجمل
احتاج حقاً لمن اثرثر له بادق تفاصيل حزني ولااشعر بالحرج من تفاهت حديثي
احتاج لمن لايمل مني ومن لايغيب احتاج حقا لتلك المساحه التي تكون فيها مع شخص حقيقي لا طيف انسان
احتاج فعلاً لتلك الكتف لا لتك الوسادة التي هرمت واهترئت من حديثي لها
دعونا من ترهائات الكبرياء التي جميعاً مازلنا نتحدث عنها وتنطقها الستنا
وكل منا في داخله طفل يبحث عن من يحتظنة

[انسان ثاني]

نشكر الاخ العزيز فقار لتواجده هُنا ونعتذر عن عدم استمراره لأسباب خاصةً بهِ
نتمنى له الموفقية دائماً
كل الحُب

[محمد صبيح]

فقار .. أحببته غلافاً ، والآن أعشقُ لبّه !
شكراً لـ هذهِ الرحمة صديقي

[الياسمين]

فقار الكرخي صاحب الروح المرحة الطيبة والحديث العذب الذي لا يمل استمتعنا جدا بطيب حديثك شكرا لانك كنت هنا
شكرا على الابتسامة اللطيفة الي منحتنا اياها رغم النفس المثقلة
سلمت ايها الصديق الكريم وحفظك الله واهلك واحبابك من كل شر

[فقار الكرخي]

ممتن على طيب مروركم وثنائكم
ربي مايحرمني منكم

[انسان ثاني]

بعد غياب لمدة سنتين و ثمان اشهر

لنا عودة قريباً مع ضيف مُشاغب جداً

انتظرونا احبتي غداً

اتمنى ان تطلعون على فكرة الموضوع و رجاءً رجاءً يمنع مقاطعة الضيف اثناء السرد