من يومين رحت لقطع حطب من شجر ميت طبعا
انا بخاف ربي ومابقتل شجر عايش .
راح معي هالكلب كالعاده
و حاول يساعدني قلتلو ياحبيبي انا بجمع الحطبات لحالي ارتاح انته
اتفرج عليي و حسيتو فهم كلامي
راح عالساتر وصار يراقب لبينما انتهي من تقطيع وتجميع الحطب .. ولما خلصت وشلت ما يقدر ب ٥٠ كيلو حطب بالفاس راح لقدامي وصار يبعد الحجار بدربي مشان امشي بدونما اتعثر .
وضل ماشي قدامي مسافة ٥٠٠ متر يراقب ويتلفت يمين وشمال بلكي حدا حاول يغتالني
لك آخ ياريت يتعلمو منو الوفا والانسانية
والثقافة
اول مره بروح فيها لتقطيع الحطب
لإن خلص طون الحطب اللي كان عنا
وكانو نايمين و آخر حطبه كانت تلفظ انفاسها
الأخيرة الصبح
وما نطرت حدا ليفيق من النوم .
لما جبتو معي اول مره وقت تعرفنا عبعض
قالولي شو هاد ؟
هاد كلب وله ديناصور ؟
قلتلن .. لحالو اجا ما قلتلو تعال
حبني الزلمه شو اعمل ؟
بيلزمنا مشان التسللات
يلا خلوه يتعرف عليكن
مشان يحفظكن وما يعضكن هههه
بدي زوجو وافرح فيه
اعذروني عالتقلب بين الفصحى والعامية
هيك بتصير الحلقة متل مدونة وأنا هربان من المدونات
نكمل لاحقاً
أعضاء المنتدى
منهم من جمعتني بهم علاقات وطيدة
ومنهم من تمنيت أن تجمعني بهم علاقات
ومنهم من تقاتلت معهم ( مقاتلةبمعنى المناوشة )
ومنهم ومنهم ومنهم
عضو يعجبني حرفه كثيراً بل كثيراً جدّاً
الخيزران .. وهناك نورانية ومحمد صبيح
كذلك يعجبني حرفهم
لكن الخيزران بالمركز الأول
إنها تنسج النص بالحروف
مثلما تنسج السجادة الإيرانية باحترافية ودقة .
وأنا سعيد لكونها الضيفة القادمة لبرنامجنا .
عضوان تعجبني أفكارهما أو طريقتهما في الحوار .. الراميان
انسان ثاني و رامي الأصيل
انسان ثاني صبور جداً في الحوار
ولم أعرفه إلا منذ فترة قصيرة..
وكذلك لا أعرف رامي الأصيل ولم نتحادث قط
لكنه جريء وصريح ولا يهادن ..
هذا انطباعي الأول .
لارا لديها زاد كبير من الثقافة
لكنها عصبية
المراقبون مصدر رعب بالنسبة لي
كوني أخرج عن النص في الكثير من الأحيان
وأدعو الله أن لا يلاحظوا زلّاتي في كل مرة
أخرج فيها عن النص .
لكنهم حبابون .. وطيبون جداً جداً
مشوار قصير .. وأكمل لاحقاً
أكيد رح يمشي معي صاحبنا كالعادة
رد مع اقتباس