هنا

[M N S Y]

بينما أنا عم دخن سيكارة الحمرا وصافن بهالحطبات وهنن عم يحترقو ب بطئ إجت ببالي نظرية آينشتاين تبع " كلما زادت الجاذبية تباطأ الزمن " فتخيلت شخص ثلاثيني قاعد بكوكب نسبة جاذبيتو بتفوق جاذبية الأرض بمليون مرة عم يتأمل شخص ثلاثيني قاعد بكوكب الأرض خلال ساعة كاملة .. فاكتشفت انو اللي قاعد بهداك الكوكب شاف بهالساعة 50 سنة من مستقبل الشخص اللي بكوكب الأرض يعني شافو كيف عم يكبر بالعمر والشيب عم يتغلغل فيه لحتى صار عمرو 80 سنة خلال هالساعة . وتخيلت انو اللي قاعد بكوكب الأرض عم يتأمل هداك الشخص خلال ساعة كاملة فاكتشفت انو اللي قاعد بكوكب الأرض شاف 50 سنة من ماضي الشخص اللي قاعد بهداك الكوكب يعني شاف ملامحو عم تصغر لحتى صار عمرو يوم واحد خلال هالساعة .. وبعد صفنة بهالمشهد الغريب المريب اكتشفت انو ماضي هداك الكوكب ومستقبل كوكب الأرض ماشين سوا و الساعة هنيك خمسين سنة هون .. وبعدما خلصت هالتخيلات انتبهت للسكاره لقيتا خالصه والبريق بارد وكاسة المتة فارطه قمت جددت الكاسة وسخنت البريق وشعلت سكاره جديده وقررت اتوقف عن التخيل لمدة ساعة كاملة عقوبه ع اكتشافاتي الخرافية.

[M N S Y]

ذكرت المتة فوق و ربما أكثركم مابيعرفها
اللي زارو سوريا وقعدو فيها بيعرفو المتة
هالمشروب شعبي عند السوريين بعد القهوة والشاي
لإنو بيهدئ الأعصاب وبيعدل الراس وهو من أنواع المنبهات
صار مشروب شعبي بفضل كارلوس منعم رئيس الأرجنتين الأسبق
من أصول سورية يلي رخص بتصدير المتة المزروعة بجبال وسهول الأرجنتين ل سوريا ولبنان .
و يتم تعبئتا بسوريا ولبنان

[M N S Y]

مسيرة حياتي على مدار 32 سنة
عامرة بالتعب والشقا والمعاناة
باختصار ..
بس رغم ذلك لا مبالي و بضحك كتير
بسهراتي وقعداتي مع المعارف ومابيحسو
بالوقت لما يقعدو معي ..
وبيحبو قعداتي لما كون ضايج ومعصب
مشكلجي أنا عند بعض أقاربي
بس عند البعض الآخر هادئ كتير
ولحد اليوم بيلقبوني العبقري
ربما السبب لإن نجحت بالبكالوريا
وأخدت الشهادة الثانوية من دونما ادرس
ومن دونما الجأ للغش
وربما لإني الوحيد بعائلتنا الضخمة يلي بيكتب
بكثافة و مهتم بالكتب والأدب والبحث العلمي
لدرجة اني كنت اسهر ليالي كاملة وانا عم اقرا
واتصفح بالكتب .
كل هالتناقضات خلت أكثر اللي عاشروني
يستنتجو اني غامض رغم وضوحي.
حتى استنتاجن متناقض

[M N S Y]

" الحب "
ترددت كثيراً بشأن الحب
وفكرت بأن أبقيه مشفراً
لكن سأختصر قصتي مع الحب
قدر الإمكان

[M N S Y]

غريب هذا الحب
وليس صحيحاً أن التعمق في الحب يكون
بالعناق والقبل و ( غير ذلك )
فعلاقاتي على أرض الواقع في كفة
وعلاقة الحب الأخيرة عبر الشبكة العنكبوتية في كفة أخرى .
لم أشعر بلذة الحب إلا في وقت متأخر .
لم أعانقها ولم ألمسها لكن أحببتها أكثر من اللواتي ارتكبت معهن كل الحماقات .
بل لا يقارن حبي لها بحبي لهن .
هن الوهم و هي الحقيقة
كانت لهن مصالح أما هي فلا مصلحة كانت لديها
الا أن أكون لها .
ذهبن إلى من يرمي لهن أكثر من مفاتيح السعادة
أما هي فتعلم أنني رجل معجون من الحزن والدموع ومع ذلك لم تتخلى عني .

[M N S Y]

قلت لها .. ماذا لو التقينا على أرض الواقع
ولم تري ذلك النبيل الذي رأيته هنا عبر الشبكة والفيديو و الصور والشات .. ألا ترين بأنها مجازفة منكِ؟
قد لا أكون أنا الذي أمامك هو أنا الذي تحبينه .
قالت .. أنت مخيف جداً ولكن أنت ملجأي من خوفي منك .
لا تحاول أن تجعلني أكرهك .. ستفشل في ذلك
لا تعتبرني مراهقة .. أنا بلغت من العمر عتياً في حبك .

بيني وبين نفسي كنت لا أزال أعتبرها مراهقة
إلى أن صارحت والدتها و شقيقها وتحدت بعض أقربائها
أدركت أنني مسؤول عن حياتها حين هددتني بإيذاء نفسها أكثر من مرة إن لم أتوقف عن ما أسمته الكفر بالحب

[M N S Y]

لا أود الاعتراف بأكثر من ذلك
ولم أكن أود الاعتراف بأي شيء من ذلك
ثلاثة فقط يعلمون كل التفاصيل .
لكنها كانت مرحلة جميلة في مسيرة حياتي وانقضت
شعرت خلالها بأنني أحب من كل قلبي
على عكس ما يتداولونه .

[M N S Y]

لا مشكلة لدي مع الموت
سواء وقع علي أو وقعت عليه
إنه لذيذ وممتع .
رغم ذلك أرفض الانتحار الذي انتشر
بشكل كبير في سوريا ولبنان
الانتحار هو أعظم الأخطاء
لا مبرر له مهما كانت الظروف
ومهما اشتد الضغط النفسي .
أدعو لكل من انتحر بالرحمة
فأنا لا أعلم لماذا انتحر وما الذي جعله يقدم
على هذا الانتحار .
الله أعلم بما في الصدور
وهو الوحيد الذي يقدّر ويراعي الخلق .
الرحمة لهم جميعاً

[M N S Y]

هل انتهت المهلة ؟؟
كم تبقى لتسليم المايك
أفيدونا

[المتوكل علي]

استمر يااسد...
لازلت في بداية مهلتك..