گصرن ياحسافه وماخذن ثار ...
گصرن ياحسافه وماخذن ثار ...
وصل بيهن گصرهن حد ألمتون ...
يمكن چانن ولاذن حدر ألكتار ...
ولاووهن ألچانوا عيب يلوون ...
مامسحن دمع وألدمع مدرار ...
ألما وصلن ألخدي يمسحن أشلون ...
وتعال وجيب چف أليمسح ألنار ...
وأنه أمگاطف جمر بركان ألعيون ...
يم بابي ألحزن ليليه خطار ...
چن ناس ألأعرفهم مايضيفون ...
وأنه وحزني ربينه أثنينه أزغار ...
وشربنه أهمومنه من فرد ماعون ...
شتصبرني شتگلي أطول ألگصار ...
وتعبر شدتك ياصاح وتهون ...
ياشده ألتهون أو وكتي مگوار ...
وين أليوجعك گلي أني ممنون ...
داستني بحوافر خيل كفار ...
وطحت لا حر نصرني ولا شفت جون ...
============================
منقول
رد مع اقتباس
المشاركة الأصلية كتبت بواسطة ميسانية
