رادونه أنتفرق ياعراق ألخير ...
رادونه أنتفرق ياعراق ألخير ...
حدر جنح ألظلام أتسللت ألأقزام ...
ألمعاول والقنابل والذبح والموت ...
كلهه أجمعت حكمت عليك أعدام ...
لأنك جزء طاهر في جسد معلول ...
وطن وحدك صحيح أبخارطة جرذام ...
جابوا بس قميصك بيك تهموا ذيب ...
وبري منك الذيب أبهاي ماينلام ...
كفكف دمع عينك سيدي يعراق ...
أنته ألذيب وحدك والبقيه أغنام ...
ألعرب رادت تجعلك بألأخير أتصير ...
لاكنك عراق ابكل وكت گدام ...
گاعك جسد واحد واليزود أورام ...
جميل بشيعتك وبسنتك يعراق ...
كذب من راد فرقه وعايش بأوهام ...
صار أسنين مافرقنه هاذا وذاك ...
قد نختلف لكن بالنتيجه أسلام ...
مسيحي وصابئي كرد وعرب أخوان ...
حلاتك ياوطن جامع أهواي أقوام ...
يبستان الورد جامع الوان الطيف ...
جمعت الوان دنيا ومدري بعد أشظام ...
غيرك روضوه مهاوش وبالسوط ...
وانته اطنون نار ومارهمله الجام ...
امم داخت ابوضعك حيريت الناس ...
ترد كعبه نظيفه أشما تطبهه اصنام ...
حيرت أليفصل واليخيط بيك ...
شما رايد يفصلك ترد قطعة خام ...
انته الغيرنه ماترهم ومتلوگ ...
وحنه أبلايه دجله ولا فرات أيتام ...
قسم يعراق لازم بالصبر نبنيك ...
ومو طاهر حليبه الما يشد أحزام ...
=========================
منقول
رد مع اقتباس
المشاركة الأصلية كتبت بواسطة هـــانـــــــــدا
