محآورة شعريه بين رجلَ وفتاة روعه جدآ
السلآم عليكم
.
محآورة شعريه بين رجلَ وفتاة روعه جدآ
..
.
هو : عليّ ثوب الونين اشكثر .. حالي
شباب وهل شبت من دون .. حالي
انشدچ على احوالچ مثـل .. حالي
طايح والهموم اتشيل بيــه
هي : هموم هواك ما خلن .. علي حال
فريضة وحبك من الله .. علي حال
يالتنشد على حالي .. علي حال
شيفيد النشدعل صار بيـه
هو : الج بس انتي گلبي .. ورجيته
ودمع العين يمچ .. ورجيته
ابتعد كلمن نخيته .. والرجيته
ولا واحـد اجاني وحـن عليه
هي : رعيتك ليش گلبك .. ما رعاني
ويهمك فت دليلي .. وما رعاني
مره احبس بدمعي .. ومره اعاني
ومره اتطيح روحي ابين اديــه
هي : هجرك ياولف صاير .. بلا حد
مثل سيف اليگص رگبـه .. بلا حد
رحت وآنه انتظر ترجـع .. بالاحد
اجه الاحد ويمته اتعود اليـه
هو : احد سچين صبري وچــن .. ولاحد
التفت وما شفت ربعي .. ولا حد
شچم سبت اليمر بيـه .. والاحد
اجي بس شوفتچ تصعب عليه
هي : لتهم بالعمر خلصان .. وحده
وأنا ضعني سرىبالهوى .. وحده
حلت جنها بعيونك غير .. وحده
وگمت لاتسأل ولاتمر بيه
هو : غيرچ ماحلى ابعيني .. ولاطاب
ولا دونچ دخل گلبي .. ولاطاب
يجرحي وياچ ماهَّـود .. ولاطاب
دم ينزف ولا تدرين بيه
هي : محبتك تجري وي روحي .. ويدماي
وعليك انشلت اعظامي .. ويدماي
انچويت أبأيـدأنا نـاري .. ويدماي
ولكن مـن يطابگهــن سويـــه
هو : عليچ الروح راحت .. من يردهه
أوكيحه اهمومي صارت .. من يردهه
خطيه الروح ملـت .. من يردهه
لأن بس الصبر لبـس العليـه
.
نتمنىَ ان تنآل رضاككم
رد مع اقتباس
المشاركة الأصلية كتبت بواسطة طفلة مميزة
