هنا

[Rom@nTic LoVe]

السلام عليكم شباب وبنات

شخباركم يارب بخير طبعا هالموضوع كلش طول بالعراق والناس صارت تفرق بين سني وشيعي

مثل ما بدول الغرب يفرقون بين ابيض واسود

فاليوم شفت صديقي من الجنوب ع الفيس ناشر الله يطيح حظ ايران والسعودية وباقي دول الخليج

فشفت تعليق معجبني كاتب هذولة جماعتنة مالهم علاقة الي اريد اوصلة

ليش هالناس دتفرق من يمتى ابينا سني وشيعي ليش هسه الناس اذا تريد تتزوج هذا سني مياخذوه او اذا شيعي مياخذوه

ليمتى حنضل بهيجي تفرقة ليش ما نتثقف كلنا عراقيين كلنا اخوان الماتو بحادثة الكرادة

كلهم مسلمين ماكو سني وشيعي وماتو مسيحين همين بيهم الي يقهر بالموضوع كلة واحد يشيل حقد ع الثاني

هنا اني عايش بالهند الي يحب يعرف كم دين عدهم خل يدخل ع الكوكل ويشوف

صارلي 6 سنين هنا يشهد الله مشفت لهسه احد كال هذا مسلم لو هذا هندوسي لو سيخي لو مسيحي لو بوذي لو يهودي

اهم شي عدهم امشي بطريقك لتاذي احد عدهم 100 دين بس محد اله علاقة باحد

ليش مناخذهم مثال همه يعبدون الحيوانات يعبدون بشر واتمنى الكل تدخل وتعبر عن رأيها

وكل شخص ورايه بهالخصوص يختلف

[ȺӀì βąҍӀì]

حبي التسميات بين السني والشيعي كانت موجودة حتى بعهد صدام
بس كانت حكومة البعث قوية واي شخص ينطق هالمسميات كان يسجن او يعذب
لهذا السبب دفن هالوباء وقتها ،
اما الان صدقني ان الحكومة هذه من سنيها او شيعيها هم وعصاباتهم من يروجون هذا الامر ويشعلون نار الفتنة بين الطائفتين
والمظلوم الوحيد بهذا الفعل هم الشعب العراقي بكل طوائفه
لذا لا تحتار ،، لانه ان عرف السبب بطل العجب

وتحية وتقدير لك

[احمد الفجراوي]

تحية طيبة اخي العزيز

انا قبل فترة سألت عن تعريف الطائفية ع صفحتي الشخصية بالفيس بوك ومحد انطاني جواب


الطائفية انك تعامل الناس من غبر طائفة بسوء

اما انك تكول انا من المذهب الفلاني وتدافع عن طائفتك بالاسلوب الحضاري والسلمي فهذا الشي طبيعي

[ESTEKNAN]

عيش اكثر تشوف اكثر !
الناس عايشين الان على من سني من شيعي
من زيدي من صوفي من مسيحي من يهودي