ماجذب وأكلك باجر انساك
عفتني وذكريات اهواي خليت
اذا كل حايط البي اسمك ايطيح
على هل حاله لازم نهدم البيت
اني الباني السفينه ومثل نوح
صعدتك وبالطوفان ظليت
وجبت عشب الخلود انطتكيا
وكلت احمل الفشله وخالي رديت
سولفلي بعد محتاجك هواي
محتاجك ابكد ما فاركتني
رحت جم يوم عني وتعرف اشصار
عشر سنين يمكن كبرتني
فرق اعيونك اعله الوادم هواي
لذلك لمن اتمر صعبه يمشون
بحيث اتبين انت عيونك كبار
واليمك شلع ما عدهم اعيون
أحبك مو حجاية ابشعري تنكال
أحبك صوت حسره ابين الانفاس
لأن حبك احساس بروحي موجود
وبعد ما لاكي كلمة اتوصف الاحساس
رد مع اقتباس
المشاركة الأصلية كتبت بواسطة وعد الأمير
