السهر مايلگه روحه بعين اليضحكون..
وأنه الماخذ ضحكتي شلون ارجعـهه!!
النهر مرات يذبل حته لوبي مــاي..
الروجه الماتعجبه الراگ يدفعـهه!!
فتّــش ياجفن عبرت وراك عيـون..
زحمه امن الضوى امنتريد تتبعـهه!!
مهظومه الشمس للگمره طالع صوت..
والعيون الغشيمه الخجل يقنعـهه!!
تعشگــ ياگلب والعايفينك خيـــر..
حسرتك تسوه چانت من تطلــعهه!!
وانذرلك سمه امنيغيب وجه الگـاع..
وإذا صحلك درب كل نجمــه فزّعهه!!
وابچي إعله اللحن واستهظم امنتشوف..
حسرات الشجــر غربـــان تسمعـهه!!
وين الگه اليلمني هواي بيّه ارمــاد..
اضل لياوكت صفنــاتي اوزعـهه!!
واغازل ياغصن والورگ شابع صيف..
سنيني التايهات شلون اتابعــهه!!
إعله كل ضحكة سهم يتحاسب ابن ازياد..
ثوره بداخلي وفشله امنضيعــهه!!
شلي بحزن المطر نفس الشكل واللون..
لاماخذ عبــرتي ولامرجعــهه!!
أطيح ويلندى امنيطيح مامرتــاح..
الورده الماتحس بلطايح اگطعـهه!!
أعرف اضحك چذب بس استحي امن العيد..
تقاليد الســوالف ما أمانــعهه!!
أصابح ياوجه غربه الفجر والنــاس..
وتغاريد الهوى بيا واهس اسمعـهه!!
الدرب وحشة سهر والليل چف تابوت..
ودمعتك طايحه ومكتوب مصرعـهه!!
المجد من ينثلم ينزف سمه التاريـخ..
ويحط السنين بغيــر واقعـهه!!
بعد بيّه جرح يوگف بعين السيـف..
وتطاوعني الليالي وما أطاوعـهه!!
رد مع اقتباس
المشاركة الأصلية كتبت بواسطة عـراقيـه وافتخـر
