《ياسمين》 المقطع الأول
قَلْبِي
أَدْرَك َ مَامَضَاه وَفَاتَه
فَأَعلَنَ وَفَاتَه !
ذَاتَ حِلم
قُلْتُ لَهُ لِنَفرضَ بِاننَا نُحِبُ بَعْض
فَأَسْعَدَهُ فَرَضِي فَرَضِي !
كَتَبْتُ لَهُ عَلَى آخِرِ وَرَقةٍ مِن شَجَرةٍ عَلَى وَشَكِ المَوْت
حَطِّم مَا شِئْت
َ الا قَلْبِي
إِنتَبِهْ أَنْتَ بِهْ !
َ لَا زِلتُ لا أعلم
هَلْ تَلَاها ؟ أَوْ تَلَاهَى !
بَعْدَ كل تِلكَ الكِتَابةُ وَجَدْتُ نَفْسِي حَائِرآ
هَلْ كُنْتُ لَهُ أَمْلِي أَمْ لِي !؟
ألا ياليت ما حل بنا بي
لأخذ من واقعي لحلمه بنا بي
بعد ميفيد اعض صبعي بنابي
وعلي عضيت نابي بصبع اديه
كُنْتُ أَظن بأن روحي عَلَى وَشِكِ أَنْ تَلْفُظَ أَنْفَاسَهَا الأخِيرَه
فَوَجَدْتُهَا تَلْفُظَ أِسْمَه !
أَصْبَحتُ فَرِيسَتِه
رَأَيْتُ مَاءَ نَابِه .. فَعَلِمتُ مَا أَنا بِه !
المَوْتُ نَحوِي أوْشَكَا ....: مَاخَاف َ قَلْبِي أَو شَكَى
أَقْسَمتُ أَنْسَى أَمْسَهاَ .... هَلْ جُّنَّ قَلْبِي ؟ أَم سَهَى ؟
مَالِي إِذآ أَروِي بِهَا ........ كَنَبْتَةٍ أَروِي بِهَا
سبْحَانَهُ مَا أَوجَدا ......... مِن نَسْلِ أُمٍّ أَوْ جَدَا !
[ ابلا تكابر راح اسولفلج صدك
مطرقة قاضي الكلب يمج يدك ]
السمه لتغيم اتحجبت
والمطر دمعات توبه .... بكد عدد جم يوم فرعت
سبحة من اغيوم سوت .. وانجفت والكاع وردت
والدعا وكت المطر فد شي عفيف
ينغسل وهو بطريقه
ويصعد لربه نظيف !
والهوا لطب كصبه صيح
والضوه لضيكو طريقه يطيح واكف
والضباب ابلا حطب .. دخان بارد !
ياسمين .. انتي مثلهن نقطه رااادج جم حررررف
البحر من يعشك سفينة يغار من تحضن جررف
بكل بساطة الروجه فد شي
ماي فوك الماي يمشي
وهذا جان اشكال عندي شكد اروحن بي ورد
هذا تفسير انتي ورده شلون بيدينج ورررد !
جنه جرح الماي طيفج
كبل لا ينشاف يلتم
وجن كمر نص وجهه نايم
صاير بتك عين احلم !
سولفيلي .
النبره نية الصوت منها شضام ليحاجيج ينحس
وكلبي اخرس
و حالي لو ردت اعترفلج
جن مسيحي ذنوبه كثرت من يكابل حجرة القس !
بكثر ما امشي اعله مايج كمت اشك بروحي نورس
بطرف صبعج صبعي نددس
كثر ما لزمنه صاير
جاهل ولبسوني محبس !
يا أرق من شعر ريشه
الريشه تدغدغ وتضحك فوك جلدج منها أملس
انه ظل كل بالي عندج
الكحله جرف العين طوخي عيونج تفيض اعله خدج !
بؤبؤج جن كمر اسود
حاجبج طوك لرموشج
زغيره بس محد ينوشج
كون أتيه بسلف اهلج وانتجي اعله سياج حوشج
خضره
بس مو بالحديقه شلون احوشج !؟
عالعسل
فِتَّات هيل . . تبين بوجهج نموشج
بكثر ما حنطيه تجوي
الخبزة وكت العوز كلش تستعز بنخالها
وانه عود لكلبي بارد
شارب بكد ماي دجلة ونشف ريجي كبالها ...الخ ]
يا أكثر من كلش حلوه
لو ردتي تشلعين الورده لغصن لبيها يكلج فدوه
ياسمين /
بابتسامة وصوت خافت
(لم أفهم شيئآ مما قلت ! فانا اقرأ الشعر الفصيح فقط !)
وحك ذاك اللي بالخاتم تصدق
اسمعج ومضه بلسان الفرزدق
ياسمين
احذر ...
فكل ما يبدأ بغزل
ينتهي بعجل !
..
هذه البداية فقط
حسين علي المطوري.
رد مع اقتباس
المشاركة الأصلية كتبت بواسطة مزاجية وكذا
