كلبج ما عرف معناي واندله
ذنبي
لكيتيني علئ كد نيتج ستر كذلة
وكلبج ماعرف معناي وندله
علمتيني معنئ الدنية ضحكة تعيش
ونطيتيني حب لهل العشك قبلة
وكلتيلي العشك موللمشة للجاي
اليحب ولفة صدك نبضاته تندهلة
لكيتج ماي ماغافي بحضن ناعور
وكهوه ومايمس فنجانهة الدلة
كتلج كاعي بارت عافهة الفلاح
كلتيلي السمة بعين لفلح تحلة
وتحملتي الدرب صعباته ضلمة وشوك
وكتيلي ليحب مايعرف السهلة
وكاطفتج حجار الجرح والهجران
النهر كطفه بحجر كلتيلي ضل يعله
حطيتي علة عيني الشوف والحسبات
العمية شماتحط ماتكشخ الكحلة
ورسمتي المجرة بيه وراك المتيهين
وتفرعتي بيه افرع نهر دجلة
وكدتيني عل هونج عشرة مال احباب
حسرة وضحكة ضل بنيانهم مثلة
وكتلج خاف واهس يكسر الاقلام
والقصه الطويله بتعب تتسلة
موكل المسلبة ياذي بس مرات
العسل عاش احتمة بسلاية لنحلة
ياماي وتركتج وادري بعدج موت
موبيدي القدر خلاني اتخله
احمد عباس
رد مع اقتباس
