ومضات رائعة
الدقايق :
يعني هذا الهم فيني ..حيل فايق ..!!
الثواني :
يبحر الدمع بجفوني
وما يلاقي له مواني ..!!
السنين :
يعني نمضي بلا هدفــ
يعني نمشي بلا دليل
يعني قلبك لا صرخ
تفتح أبوابك لهمِّك
وتلقى نفسك ..
حيل ضايق ..
وحيل نازف هالحنين ..!!
الألم :
لما تقتل رغبتك
وتلمح بعين إنكسارك
كل حياتك مهزلهـ
لما تتغرب بنفسك !
لما تتجرع مرارة حزنك
وجوَّاك " ميت "
لما تكسر بيد حرفك
... هالقلم !!
الوفـــــــا
:يعني قلبك لا صرخ
يلقى له صدرٍ يضمَّه
وبعز همَّه يحضنه
ما يخافه يهمله أو يجيله
يوم ويرميه بجفافــ !
ولو جفاه ؟
يخرس ويكتم :
أفااا ..!!
الحنين :
لما فيك الحس يبكي
لما يسأل ..اللي باعك ..
وين ؟ وين ؟
المآسي :
لما تتجمع غمومك
ويَّا همِّك والمصايب
وبوسط قلبك ..
تبدأ بلعبة " كراسي " ..!!
الهموم :
يعني لما تلقى نفسك
تايهه تسال عليك !
يعني لما تلقى وجهك
غايب بكومة غيوم ..!!
الوداع :
يعني لما قلوب حبَّت
وسهرت وأظن " ضحَّت "
وفجأه حسَّت بالضياع ..!
الفراقـ :
تشعر إنَّ الصدر ضاق
وتنتهي بآخر طريق
وما تلاقيلك ملاذ
ويبدي فيك الإختناق ..!!
الغياب :
لما تتفقد حياتك
وتلقى صوره لشخص راح !
تبدا تقرب عليها
لاجل تمحي
هالضبابــ !!
الصداقه :
يعني تلقالك خوي
تبدا تهمه ويهمك
ويرجع يرتب سنينك
يعني ماترجع تفكر
بـ إنك أحيانًا في غابه !!
الحياهـ :
يعني تعيش الصراع
ويبدي فيك الإنصياع
ويبتدي فيك العطش
وتبدا تشعر بالتعب
وتقفر الأرض اللي إنت فيها
وماتوصِّلها مياهــ !!
القهر :
تكتم الضيقه دهر
ترفض العَبرة النزول ..
تشعر إنَّ الأمر ضااااق
يبدي صبرك ينفجر ..!!
الهوَى :
تلقا إحساسك تبعثر
وبوسط قلبك ايتفجر
ألف نبض وألف صوتٍ
لك ينادي .. " وينه حبك ؟ "
ويرجع يلخبط كيانك
ألف جرحٍ لك يصوِّت ..
" مالنا غيرهـ / دوَى " ..!!
الجروحـ :
تصرخ أقدارك بوجهك ..
تلقى فرحك مرتبك
تلقى حزنك لك يبوح
ويبتدي قلبك ينوح !!
الأمل :
يعني تشعر بإرتياح
يعني إتحاول تكسِّر هالقيود ..
وترجع تعيش بفرح
يعني لما تبدا ترتب حياتك ..
تبصر فقلبك " طفل " ....!!
الدموع :
يعني تعلن كبريائك
وتلمح بعينك خضوع !!
الزمنـ :
ينتكس فيك الجسد
تبي تقوم ..
تلقى عظمك .. " قَدْ وَهَن "!
الحنانـ :
يحضنك صدر بدفا
تشعر إنِّك في أمان !!
المرايا :
إنِّك تشوف الخفايا ..!!
الملل :
دائرة تكبر وتكبر
إتساعٍ بإتساع
هو بياض ؟
هو سواد !
هُو شعورٍ بـ " الكَلَل " !
المُحال :
تشعر إنِّك وسط " قَاع " ..
وإن حلمك فوق قمَّة
من قمم هذي الجبال !!
**
/
تحياتي وودي ..
رد مع اقتباس
