ياريت ابكبر وبصفها مدفون!!-الشاعر حسين الساعدي
أكو واحد يحب وحده وماتت
وأنشد يقول!
،،،،،
أه يامكبره الخلتني مجنون
وبهذا النعي وسوتني شاعر!
ومتاني المشت اويه اليموتون
وخلتني انتظر والهسه اناطر
انه الهايم ابدمعات العيون
وانتي ابكبر مابين المكابر!
جنت اتخايلج مثل اليعرسون
وبزفه التلم كل العشاير
واتخايل الهوسه ومن يكولون
هاي الرادها وشاف المخاطر!
أه يامكبره اشظميتي واشلون
تضمين الكمر عن النواضر!
ياريت ابكبر وبصفها مدفون
واحلف ما انام وابقى ساهر
واخلي الموته البصفنه يكعدون
واسمعهم شعر واحله الخواطر
واكلللهم احبها اشما تلومون
وبحبها امتلت كل الدفاتر!
واسمعهم قصيدة انه مجنون
وروحي امعلكه ابهاي الضفاير!
روحي امعلكه ابهاي الضفاير!
حسين االساعدي
رد مع اقتباس
