هنا

[فقار الكرخي]

يسولفون گبل اهلنه عن وحده مو راحه عدها علاقه بواحد وهي براس رجلها وبقت على هالحال مده من الزمن لحد ما بده رجلها يشك بيها .. اجه ولزم عليها الا تگله هي نكرت كل شي و گلتلله بينك وبيني يمين الله الزوج گلها يالله امشينه لليمين هي عاد طلبت مهله منه جم يوم على ماتستعد لليمين ..وبقت تفكر شلون تطلع من هاي السالفه لان الشغله موسهله عاد توصلت لخطه هي وعشيقها وقررو ينفذونها ..بيوم المتفقه بيه على الحلفان و گف صاحبها براس الشارع ويگودله بمطي هي گلت لرجلها آنه مابياش امشي اكرينه هذا المطي على مانوصل لمقام السيد ...كرو المطي وصعدت عليه وخذولهم مسافه ولن تتفلگح وتطيح من المطي وتتكشف ركضو عليها رجلها وعشيقها گوموها وغطوها لهنااك ولن تتكرر نفس السالفه وهم رجعو غطوها وكملو طريجهم ..لحد ماوصلو للمقام الي بيه تحلف ونزلت
گالت للزووج ابو فلان انتة تريدني احلف ولازم اكون صادقة بحلفاني ترة ابو المطي لزمني لمن طحت وشافني مكشفة اكثر من مرة شلون بالله ؟؟؟
گللها اي ولچ صحيح بس آني چنت موجود وهوة خطية ما سوة شي چان يساعدنا وهوة صاحب فضل علينة گالتلة عن الحلال والحرام راح احلف عليكم ثنيناتكم انته وابو مطي !!!
گللها اي صحيح !!!!!
توجهت الشريفة العفيفة و وصاحبة اللوتي للحلفان وگالت
( وحق هذا المقام يا رجلي ترة محد لزمني وتكشفت گدامة غيرك انتة وابو المطي؟؟!
---

[تّـفـاَصيلـٓ]

كيد ...
شكرا للقصه

[اللؤلؤة البيضاء]

ان كيدهن عظيم
شكراا ع القصه

[روجـيـنـا ♡]

يسلمو ع القصة

[الريم]

شلون عقل
شكرا لك

[رويدا]

شكرا ل نقل القصه

[فقار الكرخي]

نورتو الموضوع

[دمعة شتا]

شكرا على القصة

[فقار الكرخي]

منورة