اكو مرات تلكه وردة صفرة
إذا يصفر وجه..مو معنى للخوف.؟
اكو مرات تلگه ورود صفره..
ومو كلمن كُبر بالعمر دكتور..
اكو مرات جاهل عنده خبره..
واكو تلگاه واصل كرشة لهناك..
بس جيب اليطلع منه تمره..
واكو خضرة اﻻشارة شوكت ميفوت..
واكو تلگاهة كلهة بوجهة حمره..
واكو ﻻبسلة ثوب امفصل افصال..
واكو من يحلم يگصوله متره..
واكو يسكن قصر بس قصر من نار..
واكو گاعد بغرفة وچنهة حضره..
واكو بالبوگ كلش مايخافون..
واكو بيهم حلاله يشوفة جمره..
واكو بعز الشمس بس مايبينون..
واكو بالليل يطلع چنه گمره..
واكو ورقة خريف اتدوسة وتفوت..
واكو تلگاه واگف چنه شجره..
واكو بيهم رغم ماعايش بعوز..
من يعرگ جبينه يمدلي سفره..
واكو ميتين بس نذكرهم ابطيب..
واكو طيبين لكن دون ذكره..
علي السامرائي
رد مع اقتباس
