هي عونه اليطوف بحضرتك مظلوم
وهي عونه اليشكي همومه بالحضره
ياسيف النبي ويافرحت المسكين
وياباب الصبر للي خلص صبره
تمنيت بضريحك روحي من تروح
يازوج البتول الطاهره الحره
حته الانبياء تندب علي الكرار
اسمك ياعلي بالموزمه شكبره
تاريخك مجد ياسيد التاريخ
ياعلم الفلك والكون والذره
منو مثلك علي ضحه شكثر للدين
واخر تضحياته يضحي في عمره
ومن سمو اسد في معركة صفين
وبصولة بدر خله الزلم حدره
ومنهو الي قهر امت بني اسرائيل
وظلت الى الان باسمه منقهره
علي اسمك قبل ما واحد مسميه
جبرائيل خط اسمك على الصخره
بالكعبه يحيدر طلكت امك بيك
وحته الجن الازرك لبد في جحره
ينوس ندب بيك انته قبل متصير
وكال احضر علي وخلصنه هل المره
نندب ياعلي المصايب ومظلوم
واليندب علي شكد ينفتح صدره
عفيه شكد عظيم انته يبو الابطال
الجن والانس منك كله متوشر
ومنو غيرك شفيع انه يبو الكلفات
لو قامت الساعه بناره الكبره
ياركن الرساله ويا بوثع الله
ويا اول القدره واخر القدره
ويا سيف الفقار وقاري علم الغيب
ويا بيرغ محمد ساعة الوشره
ياصنديد يالمثلك فلا موجود
وكعبه الطلكت و حقه مفتخره
عاشرنه طريقك باول المشوار
وبس ابن الزنه الي ينكر العشره
والله ياعلي مننخاك وكت الضيج
همومي تروح كله وتنجلي الحسره
ومحمد بالغدير شكال للاسلام
مو وصه بعلي بالامر من بعدره
ويتبره محمد منه يوم الدين
كلمن ما حزن في ليلت الطبره
علي وبنك حسين العجب الثوارة
بيرغ نرفع راسه بالاخر الثوره
حسين الماخذل دينه وكتاب الله
شلون يذل حسين وامه الزهره
ناده الموت اولى ن ركوب العار
وخله جيوشهم على الارض مطشره
وابك ابو فاظل بالغضب بركان
ليث وبالشدايد محد يكدره
سحكه بالفرات وخله دمه يسيل
تمنيت الفرات تنشف ولاقطره
لان عطش جبود المصطفى الابرار
وعباس نغدر باليسره واليمنه
انه مهموم اشتكيلك حالي يامولاي
انه بصدري يحيدر غافيه العبره
توازت ياعلي والباطل والسياف
والحق صار اخرس وانكسر ضهره
مايخدر جرحنه ومايريد يطيب
اسم فرعون بيه الجرح شيخدره
الضلع طك وانكسر واختلت الاوزان
ومنو غيرك غضنفر يكد يجبره
ياحامي الحمه شنسوي محتارين
تعبنه من الدماء والظلم والهجره
ماصارت كبل حته بزمن نمرود
الاسواه يزيد وزمرته وشمره
انه منين ابتديلك واحجي من ياباب
من هاذه الزمان القاسي وغدره
حقدوا على النسل جي من علي الكرار
شكم هاشمي بايه الضيعوا فكره
خلصنه انتهينه كلي وين نروح
وعيشتنه صفت ياعيشت الكشره
ياحاكم يجينه يكض علينه الصوت
قسوا بسيوفهم وجفوفهم قذره
اعتقلات ومشانقل سجل التاريخ
وماكو من ضلمهم كل بشر يبره
شكد سنين عشنه بعالم الاحزان
كل يوم اليجي نتامل البشره
من هالك لمالك ننشره وننباع
وطنه ياعلي صار بورق سعر
لحدمن سيدي استعمار بستعمار
وياحاكم يجين محمل بشره
انطينه تضحيات من الشباب هواي
مو مليون حته تعدوا العشره
شجاه هه الوطن بي كثرة الرايات
كلمن رايته ودستوره وقصره
وشجاه هذه الوطن ياوطن البترولالحراميه تحوف ومحد ينطره
الحراميه تحوف ومحد ينطره
منقووووووووووووول
رد مع اقتباس