هنا

[أنثى حائرة]

اني بنت حابه اعمل من ساعه 3عصرا للتسعه باليل واخواني رفضوا يكلولي شيكولون جيران وانا مااحب شغل الصبح لان انام متاخره ممكن حل حبايبي

[تـمــيــڒ]

حقهم اختي
لازم تتعودين ع كعده الصبح والشغل

[روجـيـنـا ♡]

نفس جواب التميز عنواني

[★ نـجـمــــة شـتـــــاء ★]

حقهم والناس بمجتمعنا ماترحم ... وبعدين شغل الصبح احسن من الشغل المسائي لان الشغل المسائي راح ياخذ يومج كله الصبح راح تفكرين وراج دوام ماتكدرين تسوين اي شي وترجعين بالليل تعبانه تنامين وتكولين اكعد متاخره يعني ماراح يبقالج وقت لاي شي ثاني غير الشغل .. فعودي نفسج نامي من وكت واكعدي الصبح للدوام ومن ترجعين تنامين شوي ويبقى عندج هواي فتره تسوين بيها اشغال واعمال ثانيه ... لاتنسين كلام الناس مايرحم وماتكدرين تجاهلينه لان عايشه وياهم وبنصهم ... هاي نصيحتي الج اتمنى تتقبلين كلامي ... تحياتي الج

[سعد العراقي راقي*]

اذا كنت تبحثين عن النصيحه ياريت تاخذين بكلامهم
وتبحثين عن عمل في النهار
لاننا في مجتمع لايرحم مع الاسف الشديد

[هــاجــر]

اخذي بكلام خوانج افضلج

[fairy touch]

السلام عليكم

بغض النظر عن الاسباب اللي ذكروها الاخوان ..اني اشوف عادي البنت تشتغل مسائي ..ما بيها شي ..المحلات مليانة بنات و كل شغلها العصر ..و الواحد يطمئن من يشوف بنية بالمحل .

لكن ...
انت ظرفك العائلي ما يسمح .
قابل تتعاركين و تخسرين اخوانچ ؟ و يطلع الشغل من عينچ من الازعاجات مالتهم بعدين ؟!
متسوة ..
حالچ حال العالم اللي تطلع للدوام الصبح .
او ...
لا تشتغلين ...
اهم شي لا يصير مشاكل بالبيت . ..لأن بعدين تلعب نفسچ حتى من شغلچ .

اتمنى لك التوفيق ..و شوية صيري نشطة ...و شطورة .

[المحامي احمد التميمي]

هوة الشغل الليلي حسب طبيعتة اذا كان يسمح لعمل المرأة كمعهد خياطة نسائي او صالون تجميل او صيدلية.... ما اكو مشكلة مع الاخذ ينظر الاعتبار موقع العمل عن البيت ووسيلة النقل اما اذا كان العمل مختلط فمن حقهم الاعتراض لان المجتمع مو مؤهل ان يمنح حق المساواة للمرأة مع الرجل في العمل

[حّلأُتًيّ بِرُوُحّيّ]

حبيبتي اخذي كلام اخوانج لان همة اعرف بنفسية المقابل لان طالعين وماشين وانتي بنية شنوشغل الليل هذا مو الج لرجال كلام الناس ميرحم عزيزتي

[اوزارو]

لا مجتمعنا زين. ولا الوكت يسمح. ولو كان الوكت زين وامان واطمئنان. فعادي
ولو سالتيني تقبل على اختك تشتغل بالليل اقول لك.....لا....لا.والف لا.