ومثل ألنهر لمن يجف
مثل الكَمر من ينخسف
مثل الشمس من تنكسف
وتخيل آنة بدونك
***
مصيوب وصوابي كلف
للموت كَايدني النزف
وبلحظة اشفى وانسعف
لو انت كتلي شلونك
***
تدريني ....ما ابدلك بالف
كَلبي على طاريّك يرف
شديتلك رتبة ولف
وآنة اصبحت مجنونك
***
للياء وابدي من الالف
ما نفتركَ جتف بجتف
ومعاهدك ما نختلف
واقسم الك ما خونك
***
من حبك انهل وارتشف
وبحضنك ازهد واعتكف
وافرش وانام على الزلف
وايدي على ليل متونك
***
مذهلني يا كلش ترف
شادهني يا ملهم صرف
عود آنة شاعر محترف
واستسلمت لعيونك
***
ما صايب عيوني الغشة
شفت الوجه ابيض نشة
سنتين ابات بلا عشة
رد مع اقتباس
