هنا

[حميد منصور]

يثگل حيل واهس صفنتي وياك
و اگول الگيتها ويمكن صدتها

واطلع كلشي ماكو ابحر أبو حسين
اعله گطرة الحيل كَلّ ما فسترتها

تتحجب أفكاري من أرد أمر بيك
ويگص أيدي الخجل لو راودتها

واضل ساكت شهر صافن ع السطور
لان منك علي ترجف شفتها

وادگ باب القوافي وتطلع الحور
ردت احروف حيدر ما ردتها

اثاري العشگ واصل للسماوات
سلبت عگول منها و سودنتها

واجي لوجه اليتامى و احوي لوحات
ابمخيلة الشعر ما شاهدتها

لوحة ليلك و مسراك بالليل
ادروب الترضي ربك حب طفتها

و لوحة جفك البايسلة تنور
ومثلك ياهو حيدر سوه أختها

تعجن بيدك توكل المساكين
قوانين الي گبلك خالفتها

و لوحة جرحك الضل لسه محراب
بي تصلي عشاگك عفتها

وايتام شكثر ع الباب مولاي
الطوس من المدامع ملحتها

الك جابت لبن وتريدك اتطيب
گبل جانت عليلة و طيبتها

عناگيد البلاغة البيك حلوات
وتره التقصير بيه وما لحتها

و عناوين الشجاعة البيك كلفات
يضل الوصف عاجز عن صفتها

انت الوحدك يابو الحسن جيش
بصفين الخوارج صفنتها

بس واحد فلت يا سيدي بهاي
الطلع عورته ولاذ ابختها

ياهو الخصه ربه بمحكم ايات
الملائك بالسما حب رددتها

اتأدي الفرائض حيدر طباگ
الزكاة وانت راكع قدمتها

و جهاد يسيل دمك فوگ محراب
الشهادة بنص صلاتك من نلتها

لذلك من اجاك الموت ناديت
ورب الكعبة فزت و حصلتها

[روجـيـنـا ♡]

َّسلَمَتّ أّنِأّمَلَګ

[حميد منصور]

َّسلَمَتّ أّنِأّمَلَګ

شكرا

[★ نـجـمــــة شـتـــــاء ★]

روووووعه

[زهر الربى]

اللللللله رائع

[العاشق الولهان]

جميل تحية طيبة