درر العراق

ارجع يازمان · 7/August/2016

لا تسولفلي ابعشك هذا الزمان
بالك اتفزز اجروحي الماتطيب!

جانت الضحكه التحس بيها الحنان
هسه ضحكتهم علينه اويه الغريب!

والاشواك اتعطر ابكل المكان
هسه وبعطر الغدر هذا العجيب!

جانوا ابشوفتهم اتشوف الامان
هسه طعنات الظهر هيه التجيب!

ياحسافه اشواكهم بس بالسان
والحبيبه اتاجر ابجرح الحبيب!

والمصالح فرضت وزاد الهوان!
واليورق اكثر ايصير النسيب!

همه ما نجحوا ابهذا الامتحان!
والجروح اتناوشت حتى الطبيب!

باكوا اسنين العمر والعنفوان!
وكالو اصبر والفرج كلش قريب!

همه كالولي انتظر حان الاوان
تالي كالو ما الك قسمه ونصيب!
اسفين وكلشي بالقسمه ونصيب
حسين االساعدي