مره سهرنا سوى
آني وخيالي وحطب
بليلتها جانت برد
وألسنة نار الحطب تتمايل وي الهوى
البروحي نفس اللهب
والليل مدمن دمع شما أصب ينتشي
ظليت اصبله وشرب
وآني ابتديت الحجي
اوصف جزيرة ابحر
الصبح كلها ندى وبليل كلها ذهب
الساحلها جيت ابلم مشرگ يعبر حزن
ومجذافه كلش تعب
ومتعبه روج العمر
مدتلي اديها جرف
شفت الحزيرة عجب
يحيط بيها الوفة
وبين الجبال بترف نايم شعرها گصب
ونخلة جذع يختلف
ريش الحمامة خشن
عكس النخل مو كرب
ووسط الجزيرة خصر
بي عين بس مو نبع
وعنها بمسافة عنب
گلي انت توصف مره
لا گتله فاهم غلط
گتلك جزيرة بحر
الصبح كلها ندى وبليل كلها ذهب
رد مع اقتباس
المشاركة الأصلية كتبت بواسطة رحيل
