.
.
اشـوفـك ويـن؟حيـل الحضنـك اشتاكيـت
كتلنـي افـراك وجهـك وانـت مامهتـم ...
تعال انطينـي وجـه علـه الشماتـه يفـوت
هـذا العنـدي وشل مايـه مـن الـذم ...
جـان ابالي بيـك اتحـزم علـه الاه
ماحسبالـي ابـد لفـراكك اتحـزم ...
من بستـك بعينـك هـزنـي فال فـراك
درت وجهـك ثـوانـي وكلشـي صار اظلـم ...
مـات الـذوق بعـد بيـه جـن تمثـال
كمـت بيـن الـورد والمنجـل اتـوهـم ...
ادور عالملـح واشتـري اللجمـه بـروح
احـس بـروحي عايـش لمـن أتألـم...
ماميـز الهيـل مـن التكـرهـه الـروح
مافـرزن حمـار الجـوري مـن الـدم ...
التـرافه البيـه ماتـت وي الــ(الله وياك)
شما طال الفـراك احـوالـي تتأزم ...
افـك ذرعاني اذا حـس بمنيـه تفـوت
العناد البـروحي بفكـدك استسلـم ...
عشـت مثل البخـور بمكبـرة ذكـراك
ادخـن شعـر روحي وغيـرك اليشتـم ...
يـوم امـوادعك نـص عمـري راح وياه
عفتلـي النـص الاخـر بـس نـدامـه وهـم ...
القطـار عله اليسافـر لليحـس تاااابـوت
بـس علـه اليـزت يـوم القيامـه ارحـم ...
ارد اتلمـس بخطوات دربـك شـوك
افـت اتـراب جـدمـك وبثـراك اشتـم ...
مـن اوصـف خاطـري؟؟خـرزه على سجـة ريل
وغفـل باول مناطـر خاطـري اتهشـم ...
امـد جـف امنياتي لذكرياتي بليل
اللمسك.تالي احـس بـروحي جنـت احلـم ...
وارد اكسـر جنـح ذاكرتـي حتـى انسـاك
نسيـت براسـي زاجـل عالوفـه معلـم ...
كلبـت صـورك البلحايـط مجلبـات
مثـل مادرت وجهـك .وارجـع اتنـدم ...
جنـت ويـاااك اطـش وجهـي علـه شـوف النـاس
هسـه مـن الحجايـه العابـره اتلثـم ...
يجـرحنـي النظـر واتحسـس مـن المـاي
عشـت بعـدك احسـاس الكاس المثلـم ...
انكسـر.واضحـك .واصفـك .وابجـي مـدري شلـون
اذا شـاعـر فهمنـي وعالجـرح سلـم ...
انه شـديـت رمشـي بحاجبـي بفركـاك
هـواي النـوم مـرلي وكتله لا .تسلـم ...
اليفـارك امثالك عيـب عينـه تنـام
احـس بجفنـي خايـن لو جـذب سلهـم ...
ادمـع وانعـصر..واتحسـر مـن اشتـاك
واكـولن سهلـه ..فتـره ..لهجـرك اتعلـم ..
علـه رف متحـف صفنتـي (مـوادعـك) تمثـال
جـرح يغلـى عله كلبـي شمايصيـر اقـدم ...
من اذكـرك غبشـه احـس وجـه الصبـح بـي مـاي
اشيـل اعيـونـي وبـوجـه السمـا اتبسـم ...
مـن اكتبلك قصيـدة النـدى يكظلـي الباب
واحـس بـورد روحـي شكـد فـراش التـم ...
واعصـرلك نـدى مـن ماي وجـه صبـاي
واحظـر ورد روحـي الشوفتـك واهتـم ...
واحظـر للشماتـه السان طـوله ذراع
وابنـي امال جيتـك تالـي تتهـدم ...
ردت فـزعـة ضـوه تهمـس بـذان الليـل
عينـي وي السهـر صـارن شراكـه دم ...
قليلـه جـروحي صـح..بـس الملـح ذواق
الملـح عالنـوع يلجـم مايـدور كـم ...
ماسـولـف بعـد مـن انسـئل مليـت
لليفتهـم حالـي عيـونـي تتكلـم
رد مع اقتباس
المشاركة الأصلية كتبت بواسطة وي هيوي
