هنا

[فقار الكرخي]

من الربع اسنين المضن وديلي عام
ولو ما محتاجه بس رجع الخلك
هنيال كلمن بس يحط راسه ينام
لا يفكر لا يجي باله العشك
ادموع زارع من غبت صار الحصاد
وانته فلاح وتحب ابجيلك
اليل من يجوع اودي اصفنه زاد
عيوني اخلهن متاع اليلك
منرسم العشره الورق يصبح رماد
والريح من حصراتي صاح ادخيلك
صفي هاي انضره طلعت توهه خام
بيهه جفني ورمش واحد محترك
من اذكرك وحدي يصير ازدحام
وتنزل همومك على ايامي رشك

اني لجلك جنت اسوي المستحيل
نجمه خليتك تبين بالضحه
مستحاي امنعرك يبلله جيل
ولصحوت السكران اسافر مستحه
العاش بيه وشمعه روحه اهديله ليل
وعلى المات بداخلي اقره الفاتحه

من نحولي لو اجي بكل حيلي هام
اجدامي مطلع اثر جوه السحك
جنت من ثكلي امنفوته اجدام
بدربك جم شجره اطلعلهه العرك
براحتك ازعل بعد ميهم رظاك

خفتن ولمى شفته بعيني
رتك اتحن صدفه مو ليه لصباك
بعدي جا كلت اندى يجويني
اضلوعي لو تعصرهه جا كطر هواك
بهذا حجيك هسه متحاجيني
اتعاملت وياي بنواع الكلام

زين من كلبي وبقه لهسه يدك
قفص لتشوفه اتاثر بلحمام
حكه من يبعد اذ ترد لصدك





م

[الدووون]

رووووعة