هنا

[jabir ibn hayyan]

يا جرح داحي الباب...منه الدليل انعاب؟؟لجرح الامام علي (ع) اقول؟؟

---

بسم الله الرحمن الرحيم
السلام عليكم ورحمة الله وبركاته
لجرح الامام علي (ع) اكتب؟؟
ياجرح داحي الباب....منه الدليل انعــاب
ناده جبريل بهتافه...... انهدم ركن الخلافه
ياجرح داحي الباب



بيوم جرحك ياولينه..... عيني ماتقبل تنــام
نزلت الدمعه عل خدي....وصوبت كلبي السهام
من ابن ملجم غدرنه......هاي افعال اللئــام
طبر الكون ونكبنه....وياصعب ضرب الامام

ناده جبريل السماء ....يله لبو هل النداء
ياجرح داحي الباب

انهدم سور النجــاة .....هذا صوت المرسلين
بيه طاحت الامامــه.... طاح سيد المتقــين
الشيعه ندبت ياولينـه...وصاح صوت الحسنين
الجرح بويه البيـنه.... يبقى خالد بالسنــين

ناده جبريل الجليل... اجتمع خل وخليل
ياجرح داحي الباب

اليوم جرحك ياعليـنه..... بجه اركان الملـه
الطبيب الفحص شخصه.... يشرح القصه لهله
ناده بلغ بالوصــيه........وصي انته العايله
سيدي ومولاي جرحك.... يصعب الداء الاله

ناده جبريل وخجول.... انكتل سيد الفحول
ياجرح داحي الباب

قبلوه وصلو اهلـــه.... وصاح يابويه الحسن
ريت عمري من حياتك.....صعبه يابويه الاجن
صعب فكدك ياولينـه......وريت ذني ينعمـن
انت يانوري وحياتي....وانت ياسور المحــن

ناده جبريل بشجون.....انت قالع الحصون
ياجرح داحي الباب

الحسين الناجه ربــه...... وصلى وباس الفحل
انهدم ركن الديانــه.... ....انهدم خير العمـل
اهتزت اعروش الطغاة......وطاحت انوار الامل
للحسين انبرت دمعه..... تملي اجفونه ومقــل

ناده جبريل الطغاة..... انكتل سيد الولاة
ياجرح داحي الباب

زينب وتندب وليهـــــه......وتبجي وصارت يتيمه
بويه انت ذخـــــــري.... تنكتل والله هظيمــــــه
انصبت من زغري بامي....وهسه انت ياعظيمه
اتحمل امصاب الليالي.... من بعد عزي ونعيمه

ناده جبريل وسألهه.....يبجي ايواسي بطلهه
ياجرح داحي الباب

الكمر ناده اخـــوته...... من فكد سيد البريه
ليت عمري بعدك انت..... سيدي حامي الحميه
ريت طبراتك ياحيدر.....ريت بويه اتصير بيه
ارتضي ابدل حياتك......وارتضي اشيل المنيه

ناده جبريل لولاته..... بالامام احسن صفاته
ياجرح داحي الباب

الشاعر ابو علي السعيدي

[الدمعة الحرة]

عظم الله أجوركم
يا صَاحـبَ الأمْـرِ استمـعْ لِشِكاتـي
ضَاعتْ عَلَى دربِ الأسى بَسَماتي


أحـيَــا أؤمِّـــلُ أنْ أنـــالَ رِضَــــاكَ لا
أَرجُــو سِــواهُ فـأنـتَ كُــلُّ حيـاتـي


دَعنـي أبُـوحُ بمـا يـجُـولُ بخـاطِـري
واعــذُرْ حبـيـبـي رِكَّـــةَ الكـلِـمَـاتِ


أدرِي بِــأنِّــي مُــذنـــبٌ ومـقــصِّــرٌ
وَمَـــعِ الـزَّمَــانِ تـراكـمـتْ زلَّاتــــي


أنــا إنْ أسَــأتُ إلـيـكَ إنِّــي تـائِــبٌ
مِـنْ كـلِّ ذنْـبٍ خُـطَّ فـي صَفَحاتـي


مَـولايَ أُقـسِـمُ بالـوَصـيِّ وجـرحِـهِ
إلا عَـفَـوتَ فـأنـتَ كَـهــفُ نـجَـاتـي


ذِي لَيـلـةُ الأرزَاءِ قــدْ عصَـفـتْ بِـنـا
فأَسَـالـتِ العَـبـراتِ فــي الوَجَـنَـاتِ


هـيَ لَيلـةٌ قــدْ أيتـمَـتْ أشيَاعَـكُـم
فـتَـجَـرَّعُـوا الآهَــــاتِ والـحَـسَــرَاتِ


قَـتَـلُــوا عَـلـيَّــاً وَاعَـلِـيَّــاً لَـيـتـنـي
كُــنــتُ الــفِــداءَ لآيَـــــةِ الآيـــــاتِ

[بهلول الرشيد]

عظم الله اجوركم بهذا المصاب الجلل

[jabir ibn hayyan]

اعظم الله اجوركم بالمصاب الجلل اختي (الدمعة الحرة)

[jabir ibn hayyan]

عظم الله اجوركم بهذا المصاب الجلل

اعظم الله اجوركم بالمصاب الجلل اخي(بهلول)

[دكتورة حلاوية]

بيرفكت