احنة شيعة عتــّــرِته وفتيانهه
أحنة نمشي بدينهــــا وأيمانهه
......
حُبنه للكرار يِسري اويه الدِمه
هوه داحي الباب بيده أمهشــِمّه
هذا ابو الحسنين ربّه امكـرُّمّه
عالخلايق وبحِفظ قرأنــــــــهه
عِلمه من عِلِم النبي وعِلم الجليل
وسيفه سيف الله أنفرَد ماله مثيل
أسمه ذو الفقـّار يِرهب بالســليل
ولو ضَرَب يُگلُب حدِر كثبانهه
تشهَد (حنين) و(بدر) للمرتضه
وبِن وِدّ العامري مـــــن أرفضة
لنـّه بيدة الراس لقريش أعرضة
وعود هذا من أشَد فرســـــــانهه
گال بيه المصطفى أحــلى الكلام
آنه دار العِلِم أدخل بالســـــــــلام
وحيدرة الباب أعلى هالامـة أِمام
وهوه أول من سعى البـُــــــنيانهه
الله نوَّر حيدر بسِن الثــــــــــمان
وكرّمه بالدين ونـــــــــطاه الامان
عنده بالكعبة الشريفة اعـظم مكان
ومولِده صار بأحد اركانــــــــــهه
الله يلعن أبن ملجم وقِــــــــــــطام
من حقدهُم غدروا بسيد الِــــــكرام
وهوه ساِجد سمموا راسه بحِــــسام
وفاضِت الروح ابشهر رمضانهه
ريـــــت أبن ملجم حرگ كل الارض
ولاتِدنه السيـّـِــــــده بوكــــــت الفرض
وريته طب بالدنيا من طول او عرض
ولا وِصَل للماسِجــَــد لوثانهـــــــــــــه
احنة شيعة عتــّــرِته وفتيانهه
أحنة نمشي بدينهــــا وأيمانهه
خادم خدام اهل البيت
ابو النون
رد مع اقتباس
